KUJDES! Kirurgu i rremë ka mashtruar dhe operuar gra në rajon, Sava Knezheviç ka trajnuar doktorët në Shqipëri!
Kirurgu i rremë, Sava Knezheviç jo vetëm ka gjymtuar shumë vajza në Serbi por edhe ka trajnuar mjekët në Shqipëri, se si bëhen ndërhyrjet estetike!
Në vitin 2017, kur ishte vetëm 19 vjeç, ka mbajtë ligjërata dhe u ka treguar shkathtësitë e tij doktorëve në klinikën “La clinique de Paris” në Tiranë. Në faqen e kësaj klinike ishte një video ku Knezheviç lavdërohet me trajtimet e tij elitare që bënë në klinikën e tij, shkruan e përditshmja serbe “Novosti”.
Në njërën prej videove shihet se si me gjilpërë në dorë u bënë vajzave trajtime estetike për të cilat ai nuk është aftësuar dhe pa pikë ndërgjegje luan dhe këndon shoqëruar me muzikë.
“Jemi të parët në Shqipëri që ofrojmë trajtime për qeliza burimore dhe mjekësinë rigjeneruese. Flas për zëvendësimin e hormoneve, qelizave burimore, mjekësisë estetike, të ushqyerit dhe mjekësisë së jetës,“ thotë Sava në video.
Ekspertët serbë tërheqin vërejtjen se ekziston mundësia që kjo klinikë dhe të punësuarit aty nuk kanë kurrfarë njohuri mjekësore dhe as diploma mjeku, sepse në të kundërtën do ta zbulonin se Sava është mashtrues.
Doktoresha Ana Miholçiç tërheq vërejtjen për të gjitha vajzat që ndërhyrjet i bëjnë tek mjekët e rremë që nuk kanë njohur mjekësore se kjo mund të jetë shumë e rrezikshme e në disa raste edhe fatale.
“Nëse anestezionin e bënë dikush i cili nuk e din se si bëhet kjo, nuk është i aftësuar dhe nuk ka pajisjet e duhura, nëse vije deri te komplikacioni, shumë lehtë pacienti mund ta humb jetën! Kur shtresat e thella të lëkurës dëmtohen, krijohen shenja të përhershme të cilat as kirurgët plastik nuk mund ti korrigjojnë. Probleme të mëdha janë dhe infeksionet, për këtë arsye të gjitha ndërhyrjet duhet të bëhen në kushte sterile. I bëjë apel vajzave të vërtetojnë mirë para se dikujt ti besojnë shëndetin e tyre,” tha Doktoresha Ana për “Informer”.
“Në faqen e Ministrisë së Shëndetësisë është publikuar lista e klinikave që merren me kirurgji plastike. Nuk mundet që çmimi i ulët dhe reklama në Instagram të jenë rekomandimet e vetme,” apelon ajo duke shtuar:
“Sa i përket edukimit në Shqipëri, besoj se kjo klinikë nuk është e regjistruar, dhe doktorët janë të rremë ashtu si dhe Kenzheviç. Doktorët e vërtetë nuk do ta thërrisnin këdo, do ta vërtetonin dhe do ta identifikonin si sharlatan.”
Katarina Lioviç, 33 vjeç, nga Zagrebi, njëra nga viktimat e Knezheviçit e cila për shkak të ndërhyrjes joprofesionale ka rrezikuar të mbetet pa buzë, thotë se kjo nuk e çuditë aspak. “Nuk më çuditë fare, ai shpesh lavdërohej se zanatin e kishte perfeksionuar jashtë shtetit dhe shpesh ka punuar në shtetet tjera. Sa larg ka shkuar më së miri flet fakti se në Instagramin e tij ka postuar foto me trajtimet e suksesshme që ka bërë një kirurg i Azarbejxhanit, e kur i kam thënë se pse poston punët që nuk janë të tij, më tha se është nxënësi i tij. Më vonë, kur e kam zbuluar se është mashtrues, e kamë kontaktuar këtë doktor dhe më tha se kurrë nuk kam dëgjuar për Sava Knezheviçin, tha ajo.
