Kujdes! Policia: Ja si mund të lëvizni sot me makina

Pas zgjerimit të fashës orare deri në 17:30, Policia e Shtetit ka sqaruar rreth konfuzionit të krijuar se si do tē levizet prej sot me makina, duke saktësuar se fashë orare nuk nënkupton “qarkullimin e pakufizuar” të mjeteve.

“Policia e Shtetit tërheq vëmendjen e drejtuesve të mjeteve të kategorive të lejuara dhe të autorizuara dhe sqaron që kjo fashë orare nuk nënkupton ‘qarkullimin e pakufizuar’ të mjeteve të mësipërme.

Është e lejuar vajtja në qendrat e punës, i punonjësve të bizneseve, në fashën e parë orare 05:00-8:00 dhe kthimi nga puna në fashën e dytë orare 16:00-17:30.

Lëvizjet e tjera të pamotivura në qendrat urbane te automjeteve 4+1 nuk do të tolerohen nga Policia e Shtetit, pavarësisht autorizimeve, të cilat në raste të përsëritura të abuzimit do të pezullohen me penalitetet përkatëse,” sqaron Policia e Shtetit përmes një deklarate.