KUJDES! Prej 15 Nëntorit, drejtuesit me pajisje dimërore!

Policia e Kosovës iu ka rikujtuar të gjithë drejtuesve të automjeteve se duhet të fillojnë të përgatiten për sezonin dimëror dhe pajisjet e domosdoshme duke filluar nga 15 Nëntori.

Zyrtarisht, sezoni dimëror nis më 15 nëntor dhe zgjat deri më 15 mars.

Gjatë kësaj periudhe, drejtuesit duhet t’i kenë me vete pajisjet dimërore.

“Apelojmë për të gjithë shoferët që të fillojnë përgatitjen e mjetit dhe të jenë të kujdesshëm gjatë këtij sezoni dimëror”, thuhet në apelin e Policisë së Kosovës.