KUJDES! Shefi i diplomacisë austriake: Situata në Ballkan është e brishtë!

Me rastin e vendimit për zgjerimin e pjesëmarrjes së ushtarëve dhe policëve austriakë në misionet ndërkombëtare, Ministri i Punëve të Jashtme të Austrisë, Michael Linhart, vlerësoi se situata e sigurisë në Ballkan është e brishtë dhe duhet pasur kujdes më të madh për stabilitetin, sigurinë dhe miqënien në këtë rajon, sepse pasojat mund t’i vuajë edhe Austria.

Duke iu përgjigjur pyetjes së deputetit austriak, Helmut Brandstetter për situatën e sigurisë në Ballkan, Linhart tha se në Kosovë shpesh lindin tensione, por se me ndërmjetësimin e BE-së, konfliktet zgjidhen ngadalë ndërsa përfundoi:

“Evropa duhet t’ua japë një dorë vendeve të Ballkanit!”

Ndryshe, Parlamenti i Austrisë vendosi të zgjasë mandatin e rreth 600 ushtarëve në KFOR-it. Gjithashtu u vendos që të vazhdohet me dislokimin e deri në 10 policëve në misionin EULEX, si dhe vendosja e një zyrtari ndërlidhës policor në kuadër të misionit të UNMIK-ut. Gjithashtu u zgjat mandati i 400 ushtarëve të ushtrisë austriake në misionin EUFOR në Bosnje Hercegovinë.

Ndërkohë është miratuar edhe vazhdimi i pjesëmarrjes në misionin e OSBE-së në Mal të Zi me dhjetë pjesëtarë të Ministrisë së Mbrojtjes së Austrisë.