Kujdes, SPAK e keni tek dera…/ Paralajmërimi i deputetit nga salla e Kuvendit

“SPAK-un e keni te dera”. Është ky paralajmërimi që ka bërë ish-ministri i Drejtësisë, deputet i LSI-së, Nasip Naço, nga salla e Kuvendit, ku po debatohet lidhur me pr/ligjin për Teatrin Kombëtar.

Ndërsa e cilësoi një aferë korruptive, Naço tha se nëse proceduara do ishte e hapur nuk do kishim këtë vlerë.

“Për të zgjedhur drejtorin e Teatrit Kombëtar bëhet me konkurrim të hapur, mblidhen artistët. Për të ndërtuar një godinë të re bëhet me dyer të mbyllura. Dhe çfarë ndodh këtu? Ka mungesë transparence. Dhe kur ka mungesë transparence sigurisht që ka vetëm një fjalë: Korrupsion.

Do doja ta tërhiqnit projektligjin, sot jeni përballë qytetarëve të Shqipërisë, jeni përballë artistëve, përballë partnerëve ndërkombëtarë. SPAK-un e keni te dera”, theksoi Naço.