“Kujdesuni për fëmijët”, nëna e 3 fëmijëve flijohet pas thirrjes…

Një ngjarje e rëndë ka ndodhur sot në fshatin Molisht të Beratit, ku si pasojë e varfërisë ekstreme, nëna e 3 fëmijëve i ka dhënë fund jetës.

41-vjeçarja Merita Filaj, ka varur veten me litar në kasollen e barit, që ndodhej pak metra larg banesës së saj. Burimet zyrtare të policisë konfirmojnë se,viktima,15 minuta para vetëvarjes, ka telefonuar policinë, në numrin 129 dhe u ka thënë duke qarë që të kujdeseshin për fëmijët e saj.

Patrullat e policisë, pas lokalizimit të telefonatës, janë nisur drejt banesës së familjes Filaj por e kanë gjetur gruan të vetëvarur në kasollen pranë shtëpisë.

Viktima 41-vjeçare, Merita Filaj nuk vuante nga asnjë formë depresioni por duket se kushtet e vështira ekonomike në të cilat jetonte, e kanë detyruar të ndërmarrë këtë akt ekstrem.

Merita jetonte e vetme në një banesë në fshatin Molisht, që ndodhej 3 km e veçuar larg banesave të tjera. Ajo jetonte me 2 vajzat e saj, ndërsa bashkëshorti dhe djali kishin emigruar në Greqi