“Kukësi 2″/ 30 Qershori, Rama kërcënon kuksianët, dhe sërish ia mbathë me helikopter…

Ndonëse e nisi si një takim normal elektoral pas “mikëprtijes” me protesta në qytet, Kryeministri Edi Rama duke folur në Aeroportin e Kukësit për kandidatin e PS-së, Safet Gjici, mendjen e kishte tek kuksianët e vërtetë që nuk janë as gjic dhe as rilindas dhe ishin nisur në drejtim të aeroportit për ti thënë sërish se është i padëshiruar ndërsa Kryetari i Partisë Demokratike Dega Kukës, Arif Rexhmati e kishte dhënë mesazhin e qartë për Kryeministrin që varfëroi këtë zonë dhe e ka nda mendjen ti bëjë zgjedhjet me 30 Qershor:

“Më mirë në burg për votën e lirë se sa të ndërtoj me durt e mia burgun për fëmijt e mi!”

Deri në përballjen e tij të dytë ndërsa helikopteri ishte ndezur, Edi Rama e shfrytëzoi kohën për të sharë dhe akuzuar Presidentin Ilir Meta dhe Kryetarin e PD-së Lulzim Basha ndërsa kuksianët që jetojnë dhe punojnë në Angli edhe për ti kërcënuar:

“Do të kenë mundësi të vijnë dhe të kthehen këtu direkt nga Londra në këtë aeroport, i cili do të jetë një aeroport jo thjesht i Kukësit, por përfshinë edhe pjesën tjetër në anën tjetër të kufirit. Kjo është arsyeja se pse investitorët janë këtu. Unë dua t’u them djemve të Kukësit që janë me PD. A ia vlen të humbni Anglinë për partinë, për kë? për Lulin, Saliun, Mulin, Bashkimin. Është i rrëzuar Ilir Meta, Lulzim Basha se Saliu edhe kur është i rrëzuar duket sikur është në këmbë. Nuk po flas për fallxhoren. Ajo nuk është e rrëzuar, është e zhytur në kafe turke. Për këta, demokratët duhet t’ia lejonin vetes këtë turp që të imitonin ato çetat e enveristëve. 30 vjet pasi ka rënë komunizmi, të shfaqen fantazmat. Në fund të ditës është interesi i familjes që duhet vënë në peshore.”

Dhe ndërsa kuksianët po përballeshin me kordonin e dytë të policisë, dhe Edi Rama po informohej ndërkohë, arritja e qytetarëve të Kukësit për ti thënë Rama Ik nuk ishte punë karroce por punë minutash dhe Kryeministri nxitoi ti thotë edhe ca fjalin për kandidatin e tij që do ta bëjë kryetar bashkie edhe me zor:

“Çfarë do të mbrojnë ata në 30 qershor, do dalin të japin një kontribut që Shqipëria të dalë keq. Këtu kemi sjell një njeri që e gjetëm midis jush, ndërsa ai është një njeri që iu bën krenarë. Ka ardhur dita që më mirë të mos jesh doktor shkencash, por është njëri i punës,” tha Edi Rama ndërkohë që kuksianët kaluan edhe kordonin e dytë policor:

Kaq mjaftoi që Edi Rama ti bindet forcës së vërtetës dhe sovrani për t’ia mbathur ndërsa kuksianët po i afroheshin Aeroportit për ti thënë edhe në sy:

“Më mirë në burg për votën e lirë se sa të ndërtojmë me duart tona burgun për fëmijt tanë!”

Por, Kryeministri Edi Rama nuk ishte aty, ai kishte ikur me gjic e me maç, tashmë i bindur se në Kukës nuk e mbron dot më as Ish-Gjeneral Sandër Lleshaj me policët e tij!