Qarku Kukës i qëndron besnike PD, drejt fitores në Shkodër, Mirditë dhe…
Ndërsa vazhdon numërimi i votave në rang kombëtar ku nga 5.199 Qendra Votimi janë numëruar 3.405 Qendra Votimi, disa nga bashkitë kanë përmbyllur procesine e numërimit i cili u normalizua pas shifrave përmbysëse që vijnë nga terreni dhe fletëve të votimit që po shënojnë rekorde.
PS kryeson me 48.95 pë qind sipas KQZ-së ndërsa pasohet me PD e cila ka 39.37 për qind dhe LSI ka 6.87 për qind ndërkohë janë rreth 50 mijë vota të pavlefshme.
Në Qarkun Kukës PD ka shënuar fitore të thellë përkundër angazhimit ekskluziv të Kryeministri Edi Rama, Dibra vjen me një rezultat befasues ndërsa Mirdita po shkon drejt një fitore historike. Me 62.27 për qinnd PD në Qarkun Kukës rrëzoi ëndrrën e Kryeministrit Rama për ta vënë nën nënshtrim Kukësin ku arriti të marr me partinë e tij vetëm 35.84 për qind përkundër angazhiitmit të gjithë aparatit shtetëror dhe intimidimit të bnzesit dhe punësimeve në Aeroportin e Kukësit.
Në Tropojë ka përfunduar numërimi dhe fituese ka rezultuar Partia Demokratike. PD ka marrë 6443 vota ose 66.37 për qind, PS 3094 vota ose 31.87 për qind ndërsa LSI vetëm 12 vota ose 0.12 për qind.
Krahasuar me vitin 2017, PD ka marrë 219 vota më shumë, ndërkohë PS ka 269 vota më pak e LSI plotë 717 vota më pak.
Fitore bindëse PD ka shënuar edhe në Has ku ka marrë 4776 ose 63.44 për qind deri sa PD ka arritur të marrë vetëm 2671 ose 35.48 për qind.
LSI në Bashkinë Has ka arritur të marrë vetëm 16 vota ose 0.21 për qind.
Ndërkohë në Kukës PD ka arrituru të marrë 11644 vota ose 59.57 për qind, derisa PS ka marrë 7468 vota ose 38.21 për qind. Në Kukës LSI ka marrë 34 ose 0.17 për qind deri sa Tom Doshi si befasi shfaqet edhe në këtë bashki me 110 vota të fituara ose 0.56 për qind.
Në Pukë PD ka arritur të shtoj plotë 884 vota por kjo nuk ka mjaftuar që të fitoj këtë bashki e cilal edhe në vitin 2021 mbetet socialiste me 2820 vota të marra me 47 për qind, PD 2214 vota ose 36.9 për qind ndërsa LSI 279 vota ose 4.65 për qind. Fenomeni “Tom Doshi” i theksua edhe në Pukë duke marrë 569 vota ose 9.48 për qind.
Fushë Arrëzi ngelet demokrat me 1.632 vota ose 40.88 për qind kundrejt PS e cila ka marrë 1379 vota ose 34.54 për qind. LSI në Fushë Arrëz ka marrë 435 vota ose 10.9 për qind ndërsa partia e Tom Doshit 475 vota ose 11.9 për qind.
Gjithashtu në Malësinë e Madhe ka përfundu procesi i votimiti ku PD ka marrë 5.997 ose 44.42 ndërsa PS ka marrë 5.380 vota ose 39.85 për qind. Edhe këtu LSI ka dështuar me 458 vota ose 3.39 për qind ndërsa për paralajmërimin e suksesit të madh të Tom Doshit në këtë bashki gjithçka u shndërrua në një flluskë pasi ai mori vetëm 1.298 vota ose 9.61 për qind.
Nga 151 prej 250 Qendrave të Votimit që janë numëruar, në Bashkinë Shkodër kryeson PD me 46.12 për qind ndërsa PS me angazhimin aq intensiv të Edi Ramës arriti të marrë vetëm 23.67 për qind dhe vazhdon me rënien. Fenomeni “Tom Doshi” u shfaq edhe në Shkodër ku aktualisht ka arritur të marrë 13.46 nga votat e numëruara. LSI këtu ka vetëm 12.03 për qind ndërsa çudia më e madhe është Jozefina Topalli me Lëvizjen për Ndryshim që ka marrë vetëm 1.075 ose 1.38 për qind.
Nga 61 prej 72 Qendrave të Numërimit që janë numëruar në Vaun e Dejes, Tom Doshi ka arritur të renditet si parti e dytë me 26.06 të votave por nga rezultati i përgjithshëm del se PD vazhdon të jetë forcë e parë me 40.36 për qind ndërsa PS ka arritur të marrë 23.37 për qind të votave.
Dibra mund të quhet befasi e hidhur për Partinë Demokratike pas numërimit të 190 prej 227 Qendrave të Votimit ku aktualisht PS është në epërsi me 24.712 vota ose 44.99 për qind ndaj PD me 24.682 vota ose 44.94 për qind. LSI ka marrë vetëm 3.660 ose 6.66 për qind ndërsa çudia më e madhe ishte fenomeni “Tom Doshi” me 405 vota ose 0.74 për qind.
Klosi vazhdon të qëndoj besnike ndaj Partisë Demokratike ku rezultati përfundimtar treon se ajo ka marrë 3.738 vota ose 47.01 për qind duke lënë PS-në mbrapa me 3.702 vota ose 46.55 për qind. LSI në Klos ka marrë vetëm 171 vota ose 2.15 për qind.
Ndërkohë Bulqiza dhe Mati u ndikuan si nga fenomeni “Samir Mane” ashtu dhe “21 Janari” dhe përfunduan në kthetrat e Partisë Socialiste. Bulqiza nuk kishte si të përfundonte ndryshe kur është nën kontrollin e mikut të Edi Ramës, dhe 5.535 votat e marra ose 46.29 për qind janë forca reale e njërit prej njerëzve më të pasur në Shqipëri që në këtë zonë kontrollon dhe kromin. 4.427 votat e marra ose 37.02 për qind mund të jenë ngushëllim për PD por janë humbja e vitit 2021.
Mati është një storie tjetër socialiste ku gardisti i “21 Janarit” nuk flet më se sa janë vrarë në Bulevardin e Tiranës por duke kryesuar socialistët matiani korr fitoren me 50.18 për qind duke lënë mbrapa Partinë Demokratike me 6.058 vota me 43.27 për qind.
Në kohën kur janë numëruar 166 nga 249 Qendra Votimi, Drejtuesi politik i PD për Qarkun Lezhë, Mark Marku, tha Partia Demokratike ka korrur fitoren më të thellë të pluralizmit në Qarkun e Lezhës dhe pritet të marrë katër mandate ndërsa akuzoi se mandati i pestë i është vjedhur.
“Ne kemi fituar qytetet, kemi fituar në çdo qendër. Vetëm në Lezhë 4 apo 5 kuti votimi kemi dalë me minus. Ky është një nga rezultatet më të thella që kemi pasur historikisht në Mirditë. Kjo ka ardhur nga mënyra se si ne kemi komunikuar me qytetarët, si e kemi bërë fushatën, dhe padyshim nga aktivizimi i gjithë strukturave të PD,” Mark marku duke folur për tentativa shumë të mëdha për shit-blerje vote.
“Po të kemi parasysh faktin që ne kemi qenë -1700 në zgjedhjet e kaluara praktikisht ne kemi fituar mbi 3000 mijë vota që është një numër shumë i mirë krahasim me një numër të kufizuar votuesish 13 mijë, 14 mijë votues .Ne kemi fituar qytetet, kemi fituar në çdo qendër votimi në Mirditë dhe vetëm në 4 apo 5 kuti votimi kemi dalë minus që do të thotë është një rezultat i projektuar n të gjithë Mirditën dhe një nga rezultatet më të thella historikisht në Mirditë”
Pse ka ardhur ky ndryshim rezultati?
Mark Marku: E para mendoj se ka ardhur nga mënyra se si ne kemi komunikuar me qytetarët, si kemi bërë fushatën dhe nga aktivizimi i të gjithë strukturave të PD-së, i qytetarëve. Ka qenë një mobilizim i përgjithshëm për të rrëzuar Ramën dhe mendoj që ne kemi bërë punën tonë dhe kemi drejtuar këtë proces. Me thënë të drejtën është rezultat shumë i mirë sepse ishte shumë e vështirë nga -100 të kaloje +1000. Do të thotë 3000 mijë vota në Mirditë me një numër të kufizuar votuesish janë jashtëzakonisht shumë
Mendoni se nuk do ta merrni mandatin e katërt?
Mark Marku: Ju mendoni, ne e kemi marrë. Në të gjitha kutitë e votimit në Kurbin përveç dy kutive, po në qytetin e Laçit ku PD-ja ka qenë përherë jo mirë sepse Partia Demokratike është fituese me 1200 vota. Bashkë me bastionet në Laç ne shkojmë sipas projeksioneve tek 3000-3500 vota më shumë. Në Lezhë ne shkojmë 2000-2500 më shumë sepse pothuajse të gjitha kutitë e votimit janë pozitive me përjashtim të 10 apo 15 janë me rezultat jo pozitive dhe i takon që ne të kemi të garantuar mandatin e katërt dhe kemi diku tek 5000-5500-6000 mbi deputetin e katërt. Pra absolutisht është i fituar deputeti i katërt.
Po në rang kombëtar si e vlerësoni situatën?
Mark Marku: Unë shikoj që në rang kombëtar mendoj që ka një truk për të mashtruar opinionin publik sepse unë do t’jua konfirmoj edhe këtu. Numërimet kanë filluar nga zonat ku ata kanë ditur që janë të humbura. Në Zadrimë ku është bërë presion dhe e dinin që votuesit nuk do të shkonin e njëjta gjë që ka ndodhur edhe në 2017-ën. Në Kurbin e kanë filluar me qytetin e Laçit ku mendonin që historikisht qyteti flas, pjesa e qytetit Partia Socialiste ishte në mazhorancë si nga pikëpamja e votuesve, por janë zhgënjyer sepse në fakt pikërisht aty ku kanë menduar se janë mazhorancë, në fakt kanë humbur në qytet dhe ku kanë bërë dhe manipulimet të papara. Unë ju them që ka patur tentativa shumë të mëdha për abuzime shitblerje vote. Jam i bindur ka qenë i gjithë pushteti lokal i angazhuar në shitblerjen e votës. Paratë janë shpërndarë nga zyrat e bashkive, nga funksionar të bashkive dhe kemi luftuar, kemi bërë një luftë të pabarabartë por ne fituam. Jam i bindur se kështu siç po bëjmë ne do të fitojmë në të gjithë Shqipërinë, pse? Sepse në të gjithë Shqipërinë janë numëruar bastionet e PS. Për shembull, në tiranë janë numëruar votat, është filluar numërimi nga Kombinati dhe nga lagjja ime, lagjja 10 ku banoj që unë e di se jetoj aty, historikisht PD-ja ka qenë është një nga lagjet me rezultatet më të dobëta për PD-n. Ka patur raste, po të shikosh edhe rezultate që japin të parat, japin Ersekën ku dihet që është minorancë, japin Cërrikun, japin Shijakun, japin në të gjitha kutitë, madje për ta bllokuar këtë proces dhe për të krijuar iluzionin sikur janë në avantazh, kanë bllokuar kudo qendrat e votimit. Pra, kanë gjetur 2, 3 zona qendra votimi ku e kanë ditur që janë në avantazh dhe më pas kanë bllokuar. Ju garantoj ky është truku i fundit elektoral i Ramës. Jam i bindur që ne na është blerë mandati i pestë dhe do bëhen denoncimet për pushtetin lokal, të cilat janë përfshirë në këtë shitblerje masive të votës.
Keni prova për këtë?
Mark Marku: Patjetër që i kemi filmuar duke hyrë dhe duke dal nga bashkitë dhe kryetarët e bashkive kanë qenë shefat e operacioneve të shitë blerjes së votës. Dhe mendoni se sa i madh ka qenë hendeku i votës, aq sa me gjithë paratë që kanë hedhur në fushat për shitë blerjen e votës prapë ne kemi fituar sigurt mandatin e 4 dhe kemi 5 mijë, 6 mijë mbi mandatin. Mendoni se sa operacion i madh, mega operacioni korruptiv që ka qenë për blerjen e votës.
Sa i takon fletëve të pavlefshme keni ndonjë informacion?
Mark Marku: Kam një informacion. Ne po i ndjekim. Ja shiko të gjitha këto janë letra me të dhëna. Po ka ndodhur. Ka ndodhur që janë shumë fletë të pavlefshme për shkak të ngatërresave të fletëve me kandidatët, numrat e partive me numrat e kandidatëve. Për fat të keq në këtë formë se po të ishte emri nuk do kishte ngatërresë, por ka ndodhur. Kemi shumë fletë të pavlefshme fakt kjo që ndikon në rezultatin e zgjedhjeve, por kjo është për të gjithë nuk mendoj se kjo ka lidhje me truk elektoral. Fletë të pavlefshme edhe për PD edhe për PS, edhe për LSI dhe për të gjitha forcat e tjera.
