Kukësi votoi për krimin, kryetar i ri i bashkisë, socialisti Albert Halilaj

Kur një kryetar bashkie jep tendera në këmbim të seksit, ky quhet skandal në një botë normale, por, jo dhe në Kukës ku socialistët kontrollojnë si tokën ashtu dhe ajrin! Madje kuksianët këtë lloj qeverisje e shpërblyen edhe me 2.000 vota shtesë duke i kërkuar ndjesë Partisë Socialiste se nga të gjitha të zezat që mund ti bënte një parti komuniste, ata nuk kishin shijuar këmbimin e pronës publike me shërbime seksi dhe më 14 Maj Safet Gjicit i kishin dhënë vetëm 11.632 vota.

Tashmë Kryetar i ri i Bashkisë Kukës do të jetë Albert Halilaj, i cili në kohën kur Safet Gjici po kryente pranim-dorëzimin e tenderave me shërbime seksi, ai po sodiste nga Zyra e Prefektit.

Emri Vata si kandidat i koalicionit “Bashkë Fitojmë”, mori vetëm 7.431 vota!

Kështu, nga rezultati i zgjedhjeve të 24 shtatorit për kryetar të bashkisë reflekton dhe falënderimi i qytetarëve të Kukësit, që socialistët arritën ta degradojnë në bashkinë më të varfër në Shqipëri dhe me rrugën e vetme në Republikë që kuksianët duhet të paguajnë për të lëvizur!

Rezultati nuk kishte se si të ishte ndryshe, kur në zgjedhjet e 14 Majit, kuksianët e refuzuan mjekun dhe njeriun e ndershëm Admir Sinamati me vetëm 9.592 vota, duke e pëlqyer çobanin pa Akademinë e Krifcës, Safet Gjici!