Kundër Edi Ramës/ Protesta në Fier, policia shoqëron disa persona

Policia e Fierit ka kontrolluar banesat e shumë protestuesve të sotëm në Fier, Patos dhe Roskovec.

Sipas kryetarit të PD Dega Fier, Luan Baçi, në Patos dhe Roskovec ka pasur disa shoqërime në polici, madje janë bërë presione që mos marrin pjesë në protestë.

“U bëjnë presion, që ose të vini në polici, ose të vini nesër. Kjo është një presion që i bëhet, pasi protesta do të vazhdojë nesër. Qytetarërt fierakë do të përballen përsëri në protestë me kryeministrin Rama. Kjo bëhet që mos shkojnë nësër në protestë. Qeveria dhe policia mos ti bëjë presion qytetarëve pasi protesta e sotme në Fier ishte shumë paqësore, por e fuqishme përballë kryeministrit,” tha Luan Baçi.

Të shoqëruarit janë anëtarë të PD dhe LSI, që sipas policise se Ish-Gjeneral Lleshajt, kanë krijuar tensione gjatë zhvillimit të protestave.