Kundër pelegrinëve serbë/ Gjakovë, nis protesta: “Gjaku i fëmijëve shqiptarë të vrarë nga Serbia nuk falet”

Ka nisur protesta në Gjakovë kundër ardhjes së paralajmëruar të pelegrinëve serbë në këtë qytet.

Kjo protestë u thirr nga qytetarët e Gjakovës për të kundërshtuar ardhjen e kriminelëve serbë.

Qytetarët po protestojnë me parullat “S’ka qetësi pa drejtësi” dhe “Gjaku i fëmijëve shqiptarë të vrarë nga Serbia nuk falet”.

Edhe shoqata “Thirrjet e Nënave” në Gjakovë, ka dalë kundër ardhjes së pelegrinëve serbë në qytetin e Gjakovës, shoqatë e cila, përmes një letre të hapur i është drejtuar presidentit Thaçi duke kërkuar që këtë të ndalojë këtë vizitë.

Ndërkohë themeluesja e Fondit për të Drejtën Humanitare, Natasha Kandiç, e ka ftuar presidentin e Kosovës, Hashim Thaçi, që t’ua mundësojë serbëve të Gjakovës që sivjet ta vizitojnë kishën.

“Me këtë rast ju lus që personalisht të angazhoheni në mënyrë që serbët nga Gjakova më 28 gusht 2018 të kenë mundësi të vizitojnë kishën dhe shtëpitë e tyre dhe të mos i nanshtrohen poshtërimit sikur vitin e kaluar,” tha Kandiç përmes një letre që sot e boton e përditshmja serbe “Danas”.

Presidenti Hashim Thaçi është shprehur se “sot është e paimagjinueshme dhe është e paprnueshme që dikush të cenojë të drejtat apo të mos lejoj vizitën e qytetarëve serbë në objektet fetare, qoftë në Gjakovë ose tjetër në Kosov”, edhe pse si Thaçi ashtu dhe Kandiç e dijnë se Gjakova është ndër vendet e rralla në Ish-Jugosllavi ku shqiptarët janë vrarë kryesisht nga fqinjët e tyre serbë, që është dhe arsyeja kryesore pse plagët vazhdojnë të jenë të freskëta.