Kupa e Botës, SHBA me numrin më të madh të biletave të blera. Çfarë po ndodhë…

Kanë mbetur edhe shtatë ditë deri tek ndeshja e parë e Kupës së Botës në Rusi, e FIFA konfirmon se deri më tani janë shitur rreth 2.5 milionë bileta (saktë 2.403.116).

Natyrisht, numrin më të madh të biletave i kanë blerë rusët, 871.797, derisa vendi i huaj me numrin më të madh të biletave të blera është SHBA, që është shumë e papritur duke pasur parasysh se amerikanët nuk kanë as kombëtaren e tyre në këtë event botëror të futbollit.

Ata kanë blerë rreth 90.000 bileta, pas tyre renditet Brazili me 72.512, Kolumbia 65.234, Gjermania 62.541, Meksiko 60.302 dhe Argjentina me 54.031 bileta të blera.

Biletat shtesë do të jenë në shitje në webin e FIFA-s nga 8 qershori. Në fakt, bëhet fjalë për 100.000 bileta që FIFA ka menduar ti shes për ndeshje të ndryshme.

Web-i i FIFA-s është shitësi i vetëm zyrtar dhe legjitim i biletave për ndeshjet e Kupës së Botës në Rusi. Biletat e blera në çfarëdo lloj mënyre tjetër, do të anulohen.