Kur ikë Edi Rama/ I paqartë, kur ta kërkojnë “votuesit” e Dosjes 339, 184 apo…
Edi Rama në takim me kandidatët e Rilindjes për kryebashkiak ka përsëritur edhe sot ftesën për kreun e opozitës, Lulzim Basha, për t’u ulur në një tryezë dialogu për të zgjidhur krizën politike, por kjo pa kushte. Ndërsa foli edhe për kërkesën e opozitës që të largohet ndonëse ishte I paqartë.
“Jam gati të ulem me Lulin në çdo moment, e të ofroj gjithçka që kemi në dorë, por jo me kushte. Kushtetutën ne me të drejtën për t’u zgjedhur, Lulzimi për të mos hyrë në zgjedhje, këtë nuk ia sugjeroj as armikut, jo më Lulzimin që as armik nuk e kam e s’mund ta kem,” tha Edi Rama ndërsa sqaroi, sipas tijë, mundësinë e vetme se kur mund të ikë dhe jo siç e kërkon opozita:
“Jo sot po asnjëherë sa të jem në këtë detyrë, edhe sikur ta nxjerr zemrën nga gjoksi, e di që nuk mund t’ia mbush mendjen, por kjo punë nuk është as interes, por privilegj i paçmuar. Atyre që nga frika, u them, po ja të ikë Rama, të qetësohen të marrosurit, jo kështu nuk qetësohen të marrosurit por fillon rënia në batakun e marrisë.
Pushteti nuk është qëllimi, por fuqia, karrigia nga ku nuk shkulesh, por është detyrë, që të tjerët të kanë zgjedhur për të udhëhequr. Nga kjo detyrë iket vetëm kur ta kërkojnë ata që të kanë dhënë detyrën, me votë, në zgjedhje, apo si përfaqësues të popullit në Kuvend,” tha Kryeministri Edi Rama duke mos sqaruar se cilët janë, ata për të cilët akuzohet nga opozita duke u bazuar në Dosjen 339 apo ata për të cilët foli së fundi gazeta gjermane “Bild” nga Dosja 184!
Gjashtë vjet në krye të Qeverisë, është i ndërgjegjshëm dhe numëroi gjithë ato dështime, por Edi Rama nuk ndjenë përgjegjësi, ama ky mjeshtër i manipulimit të opinionit publik fjalimin e përfundon me shprehje komuniste, dhe i gjenë nga ato më të marrat, një për të gjithë e të gjithë për një:
“Unë nuk rri se më gënjen mendja se jam i pagabueshëm, apo s’kam bërë gabime, apo se gjithçka po shkon vaj, as se njerëzit nuk paguajnë nën dorë, se rrogat janë rritur, se shqiptarët po kthehen nga jashtë dhe se jeta është fushë me lule.
Në çdo drejtim nisur së bashku me ju dhe ta që na besojmë kemi nisur një luftë që nuk ka shans ta lëmë në mes, luftë që po e shoh se korrupsioni, tarafi marifeti janë edhe brenda nesh.
Ringjitesh, përparon, diku rrëshqet, përparon, herë mpihesh, herë ecën me ritëm të lartë, sa më poshtë duket bataku nga je nisur aq më lart të duket maja ku duhet të ngjitesh, ndaj në demokraci ja rënie, thyerje, ndarje, rikompozime forcash, ne deri më sot nuk na la ndodhur qysh se jemi nisur 6 vjet më parë në luftë, kemi mbajtur ritmet, uniteti lodhjen, kemi pasur gërr vërret tona, por kemi qëndruar bashkë, ecur bashkë, rrëzuar e ringritur bashkë jemi ngritur bashkë, kush ka pritur e kush pret të rilindë lidhja që solli në pushtet atë që kurrë nuk vinte dot vetë, duhet të presë gjatë.
Jemi një për të gjithë e të gjithë për një. Marrim edhe kot tavolinave kur kemi sedër e na mbetet hatri, por jo zarare në kurriz të vendit, se e dinë që kush bën zarare na humbet. ”
