Kur këtu të zbret Europa, Berisha: Populli opozitar do jetë në Parlament!

Pas tensioneve që u krijuan në seancën plenare, Kryetari i Partisë Demokratike, Sali Berisha, tha jashtë seancës plenare të Parlamentit të Shqipërisë se në parlamnet po vendosin grupet kriminale, por siç ishte zotuar në protestën e 12 nëntorit, këtu do të vijë populli opozitar që ti thotë nja dy fjalë këtyre hajdutëve.

Datë nuk dha, por foli për ditën kur këtu të zbret Europa, e cila së shpejti pritet në Tiranë me 6 Dhjetor, kur mbahet dhe Samiti BE-Ballkani Perëndimor!

“Parlamenti është transformuar në një institucion ku vendosin grupet kriminale, merren vendime në interes të grupeve kriminale, me pushtet dhe pa pushtet. Faktikisht ky parlament nuk meriton të ekzistojë. Siç jam zotuar në datën 12 nëntor, në momentin e caktuar këtu do të vijë populli opozitar, ti thotë nja dy fjalë këtyre hajdutëve që nuk kanë ligj as moral,” tha Sali Berisha duke mos dhënë datë por duke u zotuar se brenda dy ditës do të vendoset.

“Brenda këtij viti, padiskutim. Këtu zbret Europa, populli i Europës është populli qeveritar. Unë nuk caktova datë, por populli opozitar do të jetë këtu patjetër. Nuk ka diskutim dhe as mos e vini në dyshim, nuk ndërpritet më kjo. Është betejë për votën e lirë, për lirinë, dinjitetin tonë e të ardhmen e Shqipërisë. Asnjë gjë nuk mund ta ndalojë më këtë betejë.”

Deklaratë:

Nuk ka njohur Shqipëria parlament më monist se ai i vitit 1991. Parlament që nuk respektohet asnjë nen i rregullore, as i Kushtetutës.

Parlament në të cilin bëhet gjithçka për shuarjen e zërit të opozitës, vetëm e vetëm se këta qeveritarë janë të tmerruar nga vjedhjet e pafundme të tyre, janë të tmerruar nga pasurimi i madh që kanë bërë me fondet publike.

Natyrisht këto ata nuk duan që ne ti denoncojmë për publikun shqiptar.

Parlamenti si kurrë ndonjëherë ka marrë formën e një platforme sharjesh, ku kreu i pseudomazhorancës i lejon vetes të përdorë fjalët më të ulëta, fjalorin më të papranueshëm, më fyes për çdo qytetar, njeri të civilizuar.

Ai jo vetëm që nuk ndëshkohet për këtë fjalor, përkundrazi mbështetet nga drejtuesit e parlamentit, ndërkohë që deputetë të opozitës që jashtë kamerave i kthejnë përgjigje atij, përjashtohen nga parlamenti.

Parlamenti nuk respekton rregullat më elementare, siç është e drejta e fjalës për procedurë. Nuk mund ti mohohet kurrë në çdo sallë parlamentare të botës, në çdo sallë parlamentare të institucioneve parlamentare.

Nëse deputeti apo përfaqësuesi shtyp butonin çështje procedure, atij automatikisht i jepet fjala, ç’ka na detyroi ne të dalim në platformë.

Lavdi Facebook-ut, falë Facebook të komunikonim me ju dhe qytetarët shqiptarë, sepse përndryshe donte të mos lejonte që të flisnim në sallën e parlamentit.

Parlamenti është transformuar në një institucion ku vendosin grupet kriminale, merren vendime në interes të grupeve kriminale, me pushtet dhe pa pushtet. Faktikisht ky parlament nuk meriton të ekzistojë.

Siç jam zotuar në datën 12 nëntor, në momentin e caktuar këtu do të vijë populli opozitar, ti thotë nja dy fjalë këtyre hajdutëve që nuk kanë ligj as moral.

Ju e kuptoni çdo të thotë. Kemi katër muaj si opozitë që kemi dorëzuar një rezolutë, për krimet kundër njerëzimit dhe gjenocidin serb në Kosovë. Rezoluta nuk pranohet të ndiqet procedura, se ne e dimë që nuk miratohet pasi këta votojnë kundër, por të ndiqet procedura. Është ligj absolut, është kushtetuese. Kurse Linda e parlamentit e mban në sirtarë sepse kështu i thotë Edi i Surrelit.

A mund të funksionojë në këtë mënyrë parlamenti, a është një fyerje kombëtare. Çfarë do të thotë Linda e parlamentit që zbaton urdhërat e Edit të Surrelit.

Çfarë do të thotë Linda e Parlamentit kur Edi i Surrelit na thotë aty fjalët më të turpshme që mund të ketë thënë kush. Çfarë ju thotë Linda e parlamentit, grave e vajzave shqiptare, nënave e motrave shqiptare që dëgjojnë Edin e saj të flasë në këtë mënyrë, që duhet ta nxjerrë prej leckash jashtë.

Pra këtu është bërë një situatë e padurueshme, dhe ne sot u detyruam, u them qytetarëve shqiptarë, u detyruam për mbrojtjen e tyre të komunikojmë me Facebook, por kjo do të jetë një gjë e zakonshme në parlament.

Ne jemi për rregulloren, e thashë dhe aty, Edi Rama mund të marrë çdo përgjigje aty, por jo ne kemi fjalën, ne shkojmë në parlament për përgjigje fjale.

Atij mund t’i mbyllet goja, në mënyrë absolute të mos guxojë kurrë më të thotë një fjalë të atillë. Kjo është një punë tjetër, por ne shkojmë me fjalën. Ne jemi që parlamenti të funksionojë, të jetë arena e debatit dhe konfrontimit të të vërtetave, këta duan të kundërtën. Ne nuk do të lëshojmë.

Sot është vetëm fillimi i një beteje që do të çojë në triumf.

Pyetje: Çfarë kuptoni kur thoni që do të vijnë qytetarët shqiptarë dhe do ti përcjellin disa mesazhe konkrete parlamentit?

Berisha: Do të ua përcjellin. Shko e pyete. Do ti hyjnë vezirit brenda thua? Ato gjëra i di populli. Populli do të vijë të japë mesazh.

Pyetje: Protesta e radhës do të jetë te parlamenti?

Berisha: Nuk është vendosur akoma, do të vendoset brenda dy ditësh.

Pyetje: Do të jetë brenda këtij viti?

Berisha: Brenda këtij viti, padiskutim. Këtu zbret Europa, populli i Europës është populli qeveritar. Unë nuk caktova datë, por populli opozitar do të jetë këtu patjetër. Nuk ka diskutim dhe as mos e vini në dyshim, nuk ndërpritet më kjo. Është betejë për votën e lirë, për lirinë, dinjitetin tonë e të ardhmen e Shqipërisë. Asnjë gjë nuk mund ta ndalojë më këtë betejë.

Faleminderit shumë!