Kur nuk sheh filma me Enver Hoxhën/ Vuçiç e mori seriozisht aventurën e Thaçit

Presidenti i Serbisë, Aleksandar Vuçiç, tha se hyrja e forcave speciale të Kosovës, ROSU, ditën e shtunë në veri të Kosovës, përbën “sulm të armatosur banditësh”.

“Me hyrjen e njësive speciale ROSU në veri të Kosovës u kërcënua dhe sulmua paqja. Operacioni përfshiu 110 deri në 130 anëtarë të forcave speciale të Kosovës, të gjithë shqiptarë, që kanë zënë rrugë hyrëse dhe të gjitha objektet pranë Ujmanit, duke keqtrajtuar brutalisht disa persona dhe duke mbajtur peng katër”, tha Vuçiç gjatë një fjalimi duke ju drejtuar kombit serb, duke shtuar se “dhunën e sotme” janë shkelur disa marrëveshje dhe se përfaqësuesit e Kosovës treguan se këto marrëveshje nuk i obligojnë ata dhe, për më tepër, tha Vuçiç, ata e kanë mbështetjen e aleatëve të tyre perëndimorë.

“Shqiptarët e armatosur në veri të Kosovës, sipas marrëveshjeve që kemi arritur, mund të shfaqen vetëm me përmbushjen e dy kushteve: me miratimin e NATO-s dhe me pëlqimin e plotë të komunitetit lokal serb”, tha Vuçiç duke shtuar:

“Nuk e di nëse kanë pasur pëlqimin e NATO-s, por kushti i dytë është shkelur plotësisht”, tha Presidenti i Serbisë i cili e kishte marrë seriozisht gjithë këtë situatë madje kishte urdhëruar shefin e shtatmadhorisë së ushtrisë serbe që të vë ushtrinë në gjendje të gatishmërisë maksimale, duke mos e kuptuar homoogun e tij kosovar i cili është rritur me filam e Enver Hoxhës e tani siç duket i ka për zemër ata me Kim Jung Un.

Ndryshe, njësitet speciale të Kosovës sot shoqëruan Presidentin e Kosovës, Hashim Thaçi, në aventurëne  tij të re të lundrimit nëpër Ujman. E meqë ishte, i futi edhe një kafe me serbt lokal, ashtu siç bënte krimineli Sllobodan Millosheviç duke demonstruar forcë në sy të shtetit që ishte duke e rrënuar.