Kur të çmendurit i jepet fjala! Lavrov: OSBE buzë rrënimit, organizata u shkatërrua që në 1999!
A ishte lëvizje e duhur, ftesa për pjesëmarrje e Ministrit të Punëve të Jashtme të Rusisë, Sergey Lavrov, në Samitin e OSBE në Shkup?!
Përgjigjen e dha vetë ky i çmendur që trazoi shumë shpirtëra në këtë Samit dhe jo vetëm ata të Ukrainës dhe shteteve baltike që e kundërshtuan dhe bojoktuan Samitin.
Sergey Lavrov u ftua nga OSBE dhe kur e mori fjalën akuzoi pikërisht OSBE-në, duke konstatuar se Organizata për Siguri dhe Bashkëpunim në Evropë është buzë rrënimit dhe se Perëndimi po i vret shanset për ringjalljen e organizatës.
Perspektivat e organizatës nuk janë të qarta, tha Lavrov, dhe kujtoi se organizata është shkatërruar që në vitin 1999, raporton media ruse, Sputnjik!
“Dukej sikur fundi i konfrontimit bipolar ka privuar kuptimin e ekzistimit të Aleancës Atlantike. Shtetet anëtare të NATO dhe BE shkatërruan dimensionin usharako-politik të OSBE-së. NATO në vitin 1999 kreu një agresion të paparë ndaj Jugosllavisë, anëtare e OSBE dhe OKB. Dhe në vitin 2008, me shkeljen e Rezolutës 1244 të KS të OKB dhe parimeve të moscenimit të kufijve në Evropë nga akti i Helsinkit, Serbisë iu rrëmbye Kosova pa kurrfarë referendumi,” tha ky rus i çmendur në Samitin e OSBE në Shkup, duke harruar se sikur të gjithë këto të ishin të vërteta pse Serbia aplikoi dhe u anëtarësua në OSBE kur ajo ishte një organizatë e shkatërruar, dhe nëse OKB është një organizatë që shteti i Lavrovit e respekton, pse nuk respekton Gjykatën e kësaj organizate e cila ka konfirmuar se shpallja e Pavarësisë së Kosovës nuk ishte në kundërshtim me Rezolutën 1244 të KS të OKB!
Në fund, meqë Ministri i Jashtëm i Maqedonisë Veriut, Bujar Osmani, dhe mentorët e tij i dhanë mundësinë të flas, ky rus i çmendur që përfaqëson shtetin kriminal të Putinit, akuzoi dhe Perëndimin.
“Në përpjekje për të shkatërruar ekonominë ruse, Shtetet e Bashkuara dhe satelitët e saj evropianë i vendosën sanksionet Rusisë, duke i vënë pikën bashkëpunimit të gjerë praktik në mes të Lindjes dhe Perëndimit në rajonin tonë dikur të përbashkët,” tha Sergey Lavrov duke mos thënë asnjë fjalë për fëmijët dhe gratë e pafajshme që u vranë dhe gjithë Ukrainën e shkatërruar, por vazhduoj duke akuzuar dhe Bashkimin Europian se ka braktisur qëllimet fillestare të ideatorëve të saj për përmirësimin e mirëqenies së shteteve anëtare dhe u shndërrua në mas të madhe, me përpjekjet e burokratisë brukseliane, në një projekt agresiv gjeopolitik.
Kështu, pas fjalës kriminale të shefit të diplomacisë ruse, ishte e qartë se më të fituarit ishin ata që e bojkotuan fjalimin e tij përplotë me akuza ndaj SHBA dhe BE, fjalim që do ta kishte zili edhe krimineli i madh rus, Josif Visarionoviç Stalin!
