Kurti-Delawie: Si po funksionojnë institucionet e Kosovës?!

Kryetari i Lëvizjes Vetëvendosje, Albin Kurti, ka zhvilluar një  takim me ambasadorin e SHBA-së në Kosovë, Greg Delawie, ku është diskutuar për funksionimin e institucioneve të Kosovës në përputhje me shtetin e së drejtës dhe parimet e demokracisë.

“Sot pata kënaqësinë të takohem me Ambasadorin Greg Delawie në Ambasadën e Shteteve të Bashkuara në Prishtinë. Bashkë me Ambasadorin Delawie diskutuam për funksionimin e institucioneve në Republikën e Kosovës në përputhje me shtetin e së drejtës dhe parimet e demokracisë në republikën parlamentare,” tha Kurti duke shtuar:

“Më tej trajtuam edhe çështjet që kanë të bëjnë me zhvillimin ekonomik të Kosovës, arsimin e punësimin, si dhe situatën në lidhje me dialogun me Serbinë.”

Albi  Kurti sqaroi se  Ambasadorit Delawie i ka shpjeguar qëndrimet dhe punën e Lëvizjes Vetë vendosje për të gjitha këto çështje, ndërsa përfundoi:

“U dakorduam për t’i vazhduar kontaktet dhe takimet e këtilla edhe në të ardhmen.”