Kurti: Diplomacia ka luajtur rol kyç në ndryshimin e status-quos

“E ardhmja është në duart e diplomatëve të rinj, pasi luajnë rol kyç si në paqe ashtu edhe në adresimin e sfidave më të mëdha që ka globi,” tha kryeminsitri i vendit Albin Kurti gjatë fjalës së tij në edicionin e 10-të të Shkollës Diplomatike për diplomatë të rinj.

“Shumë më shumë se vendet tjera, Kosova mbështetet në diplomaci, nga liria deri në pavarësi, dhe normalizimi i marrëdhënieve me fqinjin verior, diplomacia ka luajtur rol kyç në ndryshimin e status-quos dhe procesit të përparimit. Ne e kemi si detyrë që të trajnojmë diplomatë të rinj,” tha Albin Kurti i bindur se diplomacitë do të luajnë rol edhe në gjetjen e zgjidhjes në luftën e Ukrainës me Rusinë, e njëjtë duhet të veprojë edhe në luftën e Gazës me Izraelin.

Aftësitë dhe përvoja që do të fitojnë diplomatët e rinj, tha Kryeministri i Kosovës, do të luajnë rol kyç jo vetëm në karrierën e tyre, por edhe më gjerë.

“Duke organizuar këtë shkollë tash e dhjetë vjet, e kuptojmë rolin kritik që diplomatët e kanë për të adresuar sfidat më të rëndësishme që janë në botë sot. Diplomacia do të luajë rol dhe në gjetjen e zgjidhjes në luftën e Ukrainës me Rusinë. Njëjtë do duhet të veprojë dhe në luftën e Gazës me Izraelin,” tha Kryeministri i Kosovës, Albin Kurti, duke përfunduar:

“Trajnimet që do t’i merrni këto pesë ditë, do luajnë rol të madh jo vetëm në karrierën tuaj, por në botë. E ardhmja varet nga diplomatët e rinj.”

Ndërkohë Ministrja e Jashtme, Donika Gërvalla, tha se historia e Kosovës është dëshmi se sa e fuqishme dhe e rëndësishme është diplomacia.