Kurti, Investime jetike për infrastrukturën tonë kritike

Investime jetike për infrastrukturën tonë kritike, tha sot Kryeministri në detyrë i Kosovës, Albin Kurti, duke konfirmuar se me punimet në rehabilitimin e kanalit Ibër-Lepenc janë afër përfundimit.

“Investime jetike për infrastrukturën tonë kritike. Kanali i Ibër Lepencit po bëhet më i qëndrueshëm dhe më i sigurtë,” tha Kryeministri në detyrë i Kosovës, Albin Kurti pasi ministrja në detyrë e Ekonomisë, Artane Rizvanolli, bëri të ditur se punimet në rehabilitimin e këtijë kanali me vlerë 13 milionë euro, janë afër përfundimit!

“Për këtë projekt, Ibër Lepenci e kishte trashëguar një kontratë problematike që kishte zbatim për vetëm 10% për vite të tëra. Ndërsa, pas shkëputjes dhe rishpalljes, në dy vitet e fundit realizimi ka arritur rreth 90% dhe pritet të përfundojë gjatë muajve në vijim.

Kanali prej 49km është me rëndësi jetike për furnizim me energji, ujë të pijshëm e ujitje për bujqësi. Nga 20km të pjesës së hapur të kanalit, 10km ku kishte më shumë nevojë tashmë po rehabilitohen përmes projektit të Ibër Lepencit me Bankën Botërore, përkrahur nga Qeveria e Republikës së Kosovës,” tha Artane Rizvanolli e bindur se me këto investime rritet siguria e ujit të vendit tonë dhe funksionaliteti afatgjatë i kanalit, dhe njëkohësisht reduktohen humbjet e ujit ndërsa përfundoi:

“Ky kanal nuk është vetëm infrastrukturë, por garanci për jetë, zhvillim dhe siguri. Prandaj, si institucione, do të vazhdojmë të investojmë dhe ta mbrojmë këtë pasuri strategjike kombëtare.”