Kurti-Mustafa, përgatitje për rrëzimin e qeverisë

Kryetari i Lëvizjes Vetëvendosje, Albin Kurti, është takuar mëngjesin e sotëm me kryetarin e LDK-së, Isa Mustafa, në vazhdën e përgatitjeve për rrëzimin e qeverisë.

Albin Kurti tha se në takim është biseduar për situatën politike dhe ekonomike në vend ndërsa kishin ra dakord qët’i bëjnë përgatitjet e nevojshme për rrëzimin e qeverisë.

“Kosova ka nevojë për zhvillim ekonomik e jo për korrupsion institucional. Qytetarët duan qeverisje të re, të mirë e të drejtë dhe jo keqqeverisje që na e rrit borxhin, zhvat buxhetin dhe falimenton ndërmarrjet. U pajtuam që t’i bëjmë përgatitjet e nevojshme për rrëzimin e qeverisë,” thekson Albin Kurti përmes rrjetit social Facebook.

Ndryshe, kryetari i LDK-së, Isa Mustafa ka paralajmëruar takim edhe me kryetarin e PSD-së, Shpend Ahmeti.