Kurti: Nënvlerësimi i virusit i rrezikshë sa edhe vetë virusi!
Sot Kryeministri në detyrë, Albin Kurti, i shoqëruar nga ministrat në detyrë të Infrastrukturës dhe Ambientit, Lumir Abdixhiku dhe atë të Administrimit të Pushtetit Lokal, Emilja Redzepi, vizituan tri komuna, atë të Lipjanit, Ferizajt dhe Vitisë.
Mirëseardhje i pari u uroi kryetari i Komunës së Lipjanit, Imri Ahmeti. Komunat në vendin tonë në njërën anë po përballen me pandeminë COVID-19 dhe pasojat e saja ekonomike e shoqërore, kurse në anën tjetër edhe me ujin e pijshëm, ku nëpër shumë sosh nuk është i rregulluar tërë furnizimi.
Në këtë kohë e tërë vëmendja e institucioneve duhet të jetë tek luftimi i virusit Corona. Nuk duhet ta nënvlerësojmë virusin e kësisoj të na rritet vetëbesimi se nuk do të prekemi a se nuk do të na bëjë dëme. Ky virus është shumë i rrezikshëm edhe për shkak se është i padukshëm.
Në Ferizaj, delegacioni u prit nga kryetari i Komunës Agim Aliu dhe stafi emergjent. Të gjithë qytetarët, sikurse edhe institucionet janë duke u solidarizuar me ata më në nevojë. Të gjithë po i dalim në ndihmë njëri-tjetrit që virusin ta luftojmë me sa më lehtësi.
Kryeministri në detyrë, Albin Kurti sot ka qëndrua edhe në Viti, ku edhe ka inkurajuar kryetarin e kësaj komune për respektim të masave parandaluese të pandemisë Covid-19 për të dalë nga kjo krizë shëndetësore.
“Me katër të infektuar dhe tre të shëruar nga Covid 19, një muaj pasi që rasti i parë u shfaq në komunën e Vitisë është dëshmi e masave të ndërmarra dhe vendimeve të zbarkuara, si dhe e udhëzimeve të respektuara. Pas komunës së Lipjanit dhe Ferizajt erdhëm në komunën e Vitisë ta vizitojmë kryetarin Haliti, edhe ta falënderojmë për punën që ka bërë, por edhe ta inkurajojmë që në muajin prill ta shtojmë vigjilencën dhe disiplinën, dhe të dalim nga kjo krizë shëndetësore bashkërisht me sa më pak pasoja”, tha Kurti.
Kryetari i Vitisë, Sokol Haliti tha se ka informuar kryeministrin Kurti për gjendjen e pandemisë në Viti, ku kjo komunë ka qenë e para e prekur me Covid 19.
Kryetari Haliti beson se shumë shpejt do të dalë nga karantina edhe fshati Stubëll, pas shërimit të 77 vjeçarit dhe që pritet të shërohen edhe anëtarë të tjerë të kësaj familje.
“Kemi qenë komuna e parë e prekur me koronavirus, pas ardhjes së 77 vjeçarit nga Italia i prekur me Covid 19 dhe gjashtë anëtarëve të tjerë të kësaj familjes. Por, tash për fat të mirë, e kemi numrin e tre të shëruarve dhe katër të tjerë që i kemi ende në trajtim dhe presim rezultatet të dalin negativë sepse shëndeti tyre është i mirë. Dhe shumë shpejt presim që edhe ata të shërohen në mënyrë që edhe Stubllën ta lirojmë nga karantina, pasi që sot një muaj Vitia është futur në Karantinë. Kështu që po presim ditë më tà « mira duke i respektuar masat, rregullat, vendimin e qeverisë dhe masat tjera që i kemi aplikuar si komunë”, tha Haliti.
