Kurti: Nuk ka kuptim dialogu i ri me Serbinë!

Kryetari i Lëvizjes Vetëvendosje, Albin Kurti tha në seancën e sotme plenare të Parlamentit se nuk ka kuptim dialogu i ri me Serbinë kur çdo ditë ka ftesa të reja nga Gjykata Speciale, ndërsa kërkoi edhe njëherë që taksa 100 për qind ndaj produkteve serbe dhe të Bosnjës të mos largohet, por të largohet qeveria Haradinaj.

Me këtë, kreu i Lëvizjes Vetëvendosje tha se tani nuk kemi dialog me Serbinë, por siç e quajti, ‘pazar me Serbinë’ ndersa paralajmëroi protesta të tjera nëse nuk ndalet presidenti Hashim Thaçi.

Ndryshe, sot në seancën plenare janë parashikuar gjithsej 30 pika
të rendit të ditës, ndër të cilat: votimi i Propozim-rezolutës nga debati lidhur me dështimet dhe skandalet në Politikën e Jashtme të Republikës së Kosovës, votimi i Propozim-rezolutës nga debati parlamentar lidhur me angazhimet e Presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë, si dhe votimi i Propozim-rezolutës nga debati parlamentar lidhur me dështimet e koalicionit qeverisës të cilat kulmuan me mos liberalizim të vizave.