Kurti: Papunësia dhe Korrupsioni, dy çështjet më shqetësuese

Kryeministri i Kosovës, Albin Kurti, sot në takimin e organizuar nga UNKT me temën Objektivat e Zhvillimit të Qëndrueshëm të Organizatës së Kombeve të Bashkuara në këtë dekadë, tha se prioritetet e qeverisë janë të bashkërenduara me prioritetet strategjike të Kombeve të Bashkuara.

Programi i Qeverisë së Kosovës, tha Kurti, përmban dy prioritete të mëdha të cilat reflektojnë ambiciet e qytetarëve për një jetë më të mirë.

“Këto dy prioritete janë Punë dhe Drejtësi. Punë sepse Kosova është vend i varfër dhe drejtësi sepse Kosova është vend i vjedhur. Papunësia dhe korrupsioni janë dy temat që shqetësojnë më së shumti qytetarët, prandaj ata edhe e kanë votuar një qeveri e cila dëshiron që ata t’i nxjerrë nga kriza përmes zhvillimit ekonomik të fokusuar në investime dhe përmes luftimit të korrupsionit nëpërmjet pavarësimit të sistemit të drejtësisë”, tha kryeministri Albin Kurti.