Kurti: Si kryeministër i ri i Kosovës, e shpall fitoren e Lëvizjes Vetëvendosje!
“Si kryeministër i ri i Republikës së Kosovës, e shpall fitoren e Lëvizjes Vetëvendosje në zgjedhjet e 6 tetorit, në legjislaturën e shtatë.” Kështu u shpreh Kandidati për Kryeministër i Lëvizjes Vetëvendosje, Albin Kurti, kur janë numëruar rreth 90% të votave dhe ai ështē në epërsi ndaj kandidates së LDK, Vjosa Osmani.
“Sonte jemi në festë, e prej nesër do të angazhohemi për krijimin e Qeverisë. Qysh nesër do të vendosi kontaktin me Lidhjen Demokratike të Kosovës për të kurorëzuar ndryshimin. Kur opozita bëhet qeveri, atëherë kurorëzohet ndryshimi. Ndërkohë ndryshimi ka ndodhur me fitoren tonë,” tha Albin Kurti tashmë kur Kadri Veseli edhe zyrtarisht e pranoi se PDK ka kaluar në opozitë.
