Kush e shndërroi Salvinin në një star të webit? 45-vjeçari “The Beast”
Zv/kryeministri e Ministri i Brendshëm italian, Matteo Salvini, konsiderohet një nga politikanët më të fuqishëm në Itali.
Sondazhet e fundit e vlerësojnë si Ministrin më të preferuar të italianëve e liderin më të sukseshëm të një force politike që fuqizohet çdo ditë, raporton OraNews.
Për analistët e politikës, çelësi i suksesit të tij është mënyra e komunikimit përmes rrjeteve sociale.
I konsideruar një star i web-it, Matteo Salvini, është politikani me numrin më të madh të ndjekësve në Facebook , mbi 3 milionë followers duke ia kaluar Beppe Grillos, liderit historik të 5 Yjeve që gjithçka e nisi nga webi, ish-kryeministrit Matteo Renzi, liderit të koaliconit të së djathtës Silvio Berlusconi dhe aleatit të tij qeverisës Luigi Di Maio.
Por Matteo Salvini është dhe më i ndjekuri në web në krahasim me kolegët e tij europianë, ka numrin më të madh të followers se Angela Merkel me 2.5 milionë ndjekës e Marine Le Pen me 1 milionë e gjysëm.
Struktura që vë në lëvizje këtë strategji komunikative quhet “The Beast”, e ka marë emrin nga sistemi informatik i përdorur nga Presidenti amerikan Barack Obama në zgjedhjet presidenciale të vitit 2012, ndërsa personi përgjegjës që drejton këtë mekanizëm quhet Luca Morisi, bashkëmoshatar me ministrin Salvini, i pandarë nga ai prej mëngjesit në darkë, e që vepron në hije derisa në diellin mediatik të shfaqet produkti më i mirë.
Pas çdo postimi të Matteo Salvinit në rrjetet sociale, pas çdo fotografie, komenti o video është gjurma frymëzuese e Luca Morisit.
Në ambientet mediatike italiane, Lucan e njohin të gjithë, e thërrasin “bestia”(kafsha) (sipas programit të tij komunikativ The beast) nuk pranon kurrë të jap intervista personale e profesionale, por ka gjithmonë një zgjidhje ndaj çdo kërkese të kolegëve gazetarë.
Profili i tij profesional ka kuriozuar gazetarin e njohur italian, Bruno Vespa, i cili e ka analizuar në librin e fundit “Revolucioni”, ku Luca Morisin e quan “profesionalisht të dashuruar me Matteo Salvinin”.
Vetë Salvini e konsideron atë gjeniun që krijoi akronimin TRT; televizon, rrjet, territor e personi i parë në Itali që shpërndau video ta autoprodhuara drejtpërdrejtë live në Facebook.
Skuadra komunikative e Matteo Salvinit numëron pak a shumë 10 persona, të gjithë të rinj, të motivuar.
4 persona transmetojnë live videot në facebook, çdo dy orë një postim, çdo një orë në fushatë elektorale e mbi 100 postime në javë.
“Për ekspertët e medias dhe ekonomisë, profili Facebook i Salvinit vlen më shumë se të gjitha të përditshmet italiane bashkë. E vetmja media online që i afrohet është e përditshmja “La Republlica” e që nuk vlen më shumë se 9% e profilit të faqes së Salvinit”, shkruan Bruno Vespa në librin e tij “Revolucioni”.
Zëvëndëskryeministri e Ministri i Brendshëm, Mateo Salvini, është sot ylli absolut italian i botës së webit, falë Luca Morisit e strategjisë së tij “the beast” që rrit çdo ditë folloëers e konsensusin e sondazheve ndaj partisë “Lidhja”.
