Kush është aleati i Edi Ramës?!
nga Agim Popoci
“Junuk jeni aleat të Lulit, Ju nuk jeni aleat të Monës, Ju nuk jeni aleatë tëQorrit!” Kështu u shprehë kryeministrit Edi Rama duke ju gërthitur studentëve që nuk denjuan ti përgjigjen thirrjeve të kryeministrit për debat përderisa ai kanë tavolinë listën e kërkesave të tyre që vazhdon të mos i përfill.
Po kush është aleati i Edi Ramës!
Në morinë e fajtorëve të situatës së krijuar në Arsim ai numëroi shumë prej tyre,por asnjëri nuk e kishte emrin as Edi dhe as Rama. Ishin dekanët që takuan ministren e Arsimit, Lindita Nikolla, ishin edhe rektorët që sugjeruan deri në hartimin e VKM-së së famshme që rrënoi gjithçka, prej portës e deri tek pastruesja në universitet, ama kryeministri tha se respektonte autonominë euniversiteteve. Edhe shquhet për një gjë të tillë!
Hartoi “Ligjin Fusha” për të shembur Teatrin, dhe gjëja e parë që nuk respektoi ishte autonomia lokale. Ku ta merrte aleatin në Këshillin Bashkiak, kur gjithçka kishte shkatërruar jo nga dita kur Lali Eri shkeli në bashki, por nga dita eparë që ai vetë shkeli në këtë bashki. Në atë kohë aleat kishte kryeministrin Ilir Meta, tha se shembi ndërtimet pa leje në Parkun Rinia dhe bregun e Lanës, por gënjeu. Në atë kohë kishte aleat, dhe këtë e bëri aleati i tij me policinë ndërtimore.
U ngop me pushtet lokal dhe mendoi se nuk i duhet më aleati dhe humbi edhe bashkinë. Nuk ishte se kishte bërë ndonjë gjë të mirë që qytetari ti besonte votën, madje kundër kishte edhe ndërkombëtarët, që nuk e donin në krye të bashkisë së Tiranës. Humbi edhe aleatin me të cilin kapardisej, Ambasadorin e SHBA, duke ngatërruar respektin amerikan për shqiptarët me atë për Edi Ramën.
Mendihmën e serbëve, arriti të bindë ish-aleatin e tij Ilir Meta, se kishte ndërruar mendje dhe pa LSI-në nuk fiton dot pushtet, dhe, fitoi zgjedhjet. Por me të ardhur në pushtet, kap dhe bashkinë e Tiranës me ndihmën e LSI-së, dhe filloj sërish me mospërfilljen ndaj aleatit.
Por tashmë kishte ndryshuar strategji, votat nuk i vjedhi si më, por i bleu, dhe sot është e qartë nga përgjimet e bëra publike, se mbjellja dhe trafiku i drogës nuk ishte thjeshtë para, por pushtet dhe para. Po ku ti çonte ato para!
Lali Eri me fodullëkun e tij humbi aleatin në Këshillin Bashkiak, dhe pastrimi i parave në kantierin më të madh shqiptar, Tiranë, ishte i pamundur. Si ti vihet kazma Teatrit Kombëtar për të ndërtuar pallate pa fund, pa ndihmën e aleatit që më nuk e kishte. Ndërroi karremin dhe shënjestroi presidencën, aty ku tashmë ishte njeriu që më shumë e do paranë se çdo gjë tjetër në botë. Por hasi nëgozhdë, nuk ishte më vetëm çështje lekësh, por tradhti, pisllëk, fyerje dhe devijim nga betimi që kishte dhënë në vitin 2013, në prani të dorëzanit shumë të fortë,presidentit të Serbisë, Boris Tadiç.
Meqë nuk e kishte për herë të parë, i futi kazmën ligjit dhe Kushtetutës, vuri dorë mbi autonominë e pushtetit lokal, për të shembur 100-200 shtëpi tek Unaza e Re, për realizimin e projektit që u quajt, Unaza e Madhe. Por edhe këtu mbeti i vetmuar edhe pse i kishte vënë kazmën Gjykatës Kushtetuese dhe gjithë sistemit ku mund të ankohet një pronar i ligjshëm, që cenohej nga synimi i kryeministritpa aleat.
Pasi i futi fadromën Sheshit Shqiponja, pjesëtarët e administratës së tij zbuluan për mediat se nuk ka projekt fare; kur bëri një paloprojekt u zbulua se kishte kosto të frikshme; kur u kapardis për të bërë publik edhe koston në detaje, idoli se zbatuesit e projektit kanë dokumente false; dhe kur filloi ti bëjë apologjinë projektit madhor me njerëz që edhe i falin shtëpinë vetëm për të ndërtuar projektin, u zbulua se aty ku do të shemben shtëpitë, do të ndërtohen pallate për klientët e tij ndërtues që nuk ju ndanë që nga dita e parë kur shkeli në bashki.
Ja,na paska edhe kryeministri ynë aleat, kot që e fyeni dhe ofendoni. Aleat i fortë bile, për të pastruar para dhe për ta shndërruar këtë pastrim në vota!
Ku qëndron problemi këtu! Pikërisht ky është problemi edhe me Arsimin.
Për VKM-n e famshme 288 dhe shfuqizimin e saj, kryeministri Edi Rama ka të drejtë. Ajo erdhi në fuqi dhe si e tillë mund të shfuqizohet vetëm përmes aleatëve të Edi Ramës dhe jo Lulit, Monës dhe Qorrit.
VKM-n nuk e gjeti mes nesh, nuk e hartoi as me dekanë dhe rektorë që i akuzon kot, por me aleatët e tij pronarë të universiteteve që e ndihmuan këto pesë vite pak më shumë se ndërtuesit edhe pse nuk ra në sy, në pastrimin e parave.
Pronarët e këtyre universiteteve padyshim se dinë të bëjnë institucione arsimore cilësore, por në Shqipërinë e varfër, pa aleatin shtet, dija e tyre nuk zë vendas në menaxhimin e një pastiçerie e lëre më në universitete private ku kanë investuar 10, 20 e me raste edhe 30 milionë euro.
Por me ndërtues dhe pronar universitetesh që kanë pushtuar edhe mediat për ti mbyllur sytë kryetarit të bashkisë së Tiranës nga viti 2000, krijuan një realitet të ri në vitin 2018, atë që Edi Rama me aleatët e tij nuk e kishin parashikuar!
Sot, në bankat e shkollave dhe universiteteve mund të ketë 18 vjeçar që janë rritur dhe kalitur në gjirin e partisë, por, ata dhe shumë të tjerë, për 18 vjet nuk u bënë dot as ndërtues dhe as pronar universitetesh.
Të punosh banakier ose kamerier për tu arsimuar për një diplomë që të bënë kamerier ose banakier me diplomë juridiku ose ekonomie biznesi në Shqipërinë e Edi Ramës që menaxhohet nga ndërtuesit dhe pronarët e universiteteve, nuk të duhet aleat për ta zgjidhur rebusin. Ai është i zgjidhur, me ose paLulin, me ose pa Monën, dhe me ose pa Qorrin!
Mungon vetëm një pazëll, shikoje Edi Rama dhe fute kokën jo gishtin. Nuk ka më studentë viça si ata që i manipuluat Ti, Ramiz Alia e shumë të tjerë.
Jo, nuk do të bëhet kurrë Francë siç e mendove në apologjinë tënde për VKM-në, bënë mirë ti bësh një telefon presidentit tënd xhan, dhe ai do të sqaroj se si mund të vijë momenti kur nuk mund ta kthesh kohën mbrapsht. Që të mos ndodhë kjo, lëre twitterin por nxito bëjë një search numrit të celularit: Emmanuel Macron…
