Kush është efektivja e policisë që humbi gishtat në protestë, ja gjendja e saj

Ina Nuka është efektivja e policisë që ka mbetur e plagosur në protestën e sotme të banorëve të “Unazë së Re” para parlamentit.

Në foto e shkrepur në spitalin e Traumës në Tiranë, Nuka duket e shtrirë në një nga shtretërit e spitalit, me gishtat e dorës të fashuar. Demtime duket se ka marre edhe ne faqen e djathte,

Nuka, 24 vjeçe, efektive e forcave Shqiponja, mësohet se më herët ka punuar në Patrullë të Përgjithshme dhe 6 muajt e fundit ka kaluar me Forcat Shqiponja. Me herët ka studiuar tek Universiteti i Sporteve.

E reja ka humbur 2 gishtat e njërës dorë për shkak të një kapsolle që dyshohet se është hedhur nga protestuesit ndërsa dy kolegë i janë afruar me shpejtësi për ta ndihmuar

24-vjecarja ndodhet në Spitalin e Traumës, nën kujdesin e mjekëve dhe gjendja e saj raportohet se është e qëndrueshme. E reja ishte një ndër dy efektivët e policisë që pësuan dëmtime më të rënda gjatë protestës së sotme.

Zyrtarisht, Policia njoftoi se 12 punonjës policie u plagosën si dhe 3 protestues.