Kush gënjen?!/ Policia e shqetësuar, Edi Rama bënë rafting pa shoqërues!

Pak ora para Protestës së Madhe të Opozitës, Zv/Drejtorja e Përgjithshme e Policisë tha se Policia e Shtetit disponon informacione shqetësuese në vazhdën e protestave të shkuara të të njëjtave subjekte politike, por shefi i saj, Kryeministri Edi Rama sot nga Çorova tha se tashmë bënë rafting pa shoqërues gjë që nuk e bënte kur ishte në koalicion me LSI-në, që sot nuk është pjesë e qeverisë:

“Ia di për nder Ilir Metës që më ka sjellë dhe më ka treguar mrekullinë e kanioneve, nuk e kisha parë ndonjëherë. E di shumë mirë çfarë potenciali ka kjo zonë, e di se sa strategjike është edhe rruga Berat-Përmet e cila duhet të përfundojë sa më parë, që të bëhet lidhja e kësaj zone, Skraparit me Përmentin, Gjirokastën e Tepelënën për të kthyer potiencialin në funksion të turizmit dhe punësimit. Këto rrugë do jenë prioritete të Bashkisë së Çorovodës në 4 vjeçarin e ardhshëm,” tha Edi Rama duke kërkuar votën për kandidatin e Partisë Socialiste, Adriatik Mema, ndërsa foli për potencialet që ka kjo zonë, duke e mbyll fjalën e tij me Ilir Metën e cili e mësoi të bënte rafting, por sot e bën edhe pa shoqërues:

“Më vjen shumë mirë që bashkë me Ilirin kam bërë rafting në kanione. Por tani kam mësuar, e bëj edhe pa shoqërues”.