Kush i ka dy fije mend e kupton se ç’është krimi politik,”Aktivisti”!

Në 21 Janarin e vitit 2011 kishte nga ata që nuk e bënin dot lidhjen e Kryeprokurores Ina Rama me Partinë Socialiste ndonëse shkeli çdo etikë juridike e morale të institucionit që drejtonte! Askush nuk do ta kuptonte as katapultimin e Alfred Ballës në Krye të Këshillit të Lartë të Prokurorisë dhe mosreagimin vendor ndërkombëtar ndërsa ky njeri shkërmoqi të tërën, Prokurorinë e Posaçme, SPAK! Si dhe kalimin e vettingut nga gjyqtarja Irena Gjoka dhe përfundimin e saj në krye të Gjykatës së Posaçme për Korrupsionin dhe Krimin e Organizuar, kur Komisioneri Publik kërkoi shkarkimin e saj sepse nuk arsyetonte burimin e të ardhurave!

Por, sot, nuk ka më asnjë dilemë, ky lloj prokurori e gjytari, tërheq zvarr si viktimën e 21 janarit ashtu dhe SPAKU-n e Gjykatën e Posaçme, nëse këtë ia kërkon Partia, ose edhe më saktë Sigurimi i Shtetit!

Po ky Sigurim që u zbulua me spiunin e tij Bujar Sheshi në KLP, nga ana e Autoritetit të Dosjeve që gjykata e hodhi poshtë! Por, sot nuk e përgënjeshtron dot sepse atë Sigurimi e thirri dhe ai u përgjigjë!

Kush i ka dy fije mend e kupton se ç’është i tërë ky krim politik e mediatik që u pagëzua “Aktivisti”, dhe pse një gjyqtar dhe prokuror duhet ti nënshtrohet Partisë, aq më shumë kur në krye të saj është një njeri si Edi Rama!

Jo, se janë korruptuar nga njeriu që blen edhe FBI-në me gjithë agjentët e saj, por, sepse edukata e tyre familjare i ka mësuar ta njohin vetëm të vërtetën e Partisë së Punës, që krimet e kësaj partie nuk quhen sepse ashtu thoshte Ligji, dhe, kur Partia nuk është në pushtet, fajet i ka Saliu!

Nga viti i errët komunist 1997, shumëçka ndryshoi, krimet komuniste u bënë sheshit edhe pa respektimin e Ligjit, sistemi i drejtësisë sërish u kthye në duart e Sigurimit, por, me një mutacion shumë më të frikshëm, që nuk ka e ka për gjë të mbjellë edhe gjithë Shqipërinë me drogë, sepse i duhen të ardhura për të korruptuar gjithçka për pushtet!

Patronazhistët, është njëri ndër krimet më barbare të Partisë Socialiste, por, ai u mbrojt edhe nga Kryeministri dhe u financua po nga kjo parti kriminale.

Sot, kur mediat dhe së fundi opozita publikojnë emrat e policëve, prokurorëve dhe gjyqtarëve, që vetëangazhohen për të punuar për Partinë Socialiste, ndërkohë kush i ka dy fije mend i konsideruar këto institucione si “shtylla kryesore” e një shteti të sigurt dhe ligjor, shohin se krimi nuk ka fund, dhe ka prej atyre që mburren pse janë pjesë e krimit më të ri politik, Aplikacionit “Aktivisti”!

Fatkeqësisht pjesë e kësaj maskarade kriminale rezulton se është dora vetë Kryeminstri Edi Rama, i cili duke i bërë karshillëk opozitës, pa asnjë fije mend na del dhe i drejtohet këtij llumi nga policia, prokurorira dhe gjykata, se tani mund të ndjehen realisht të vlerësuar.

Mirëpo kjo është një histeri shumë më e madhe, se sa një njeriu që drejton shtetin dhe i vete mendja të korruptoj njeriun e dytë të FBI që ti bëjë dëm rivalëve të tij politik! Ditën e zgjedhjeve ky kryehisterik politik e mediatik e quan fushëbetejë, ndërsa garën zgjedhore si “skenë të betejës së radhës”

“Tani ju mund të ndjeheni realisht të vlerësuar si një forcë e re në fushëbetejë e në ndërkohën që patronazhistët e kalitur në përballje të shkuara, po përgatiten të hyjnë së shpejti në skenën e betejës së radhës, si një forcë e sprovuar më shumë se sa njëherë, ju jeni në sprovën tuaj të parë dhe ja urdhëro si erdhi puna, ende pa mbaruar nxemjen i keni shqetësuar shumë kundërshtarët tanë të dëshpëruar e të çoroditur,” shprehet Kryeministri Edi Rama në reagimin e tij përmes rrjetit social Facebook shoqëruar me një tufë budallenjsh që janë të lumtur se 40 prokurorë dhe 27 gjyqtarë i kanë në radhët e kësaj bande që u pagëzua “Aktivisti”!

Reagimi i plotë:

Të dashur aktivistë të Partisë Socialiste,

siç edhe ju’a kisha thënë, ja ku erdhi dita që i harruan patronazhistët dhe u turrën mbi aktivistët

Urime për pagëzimin tuaj në baltën e djajve, e cila është prova e relevancës në skenën e betejave politike dhe sociale në këtë vendin tonë të vogël e të bukur, por me zhurmaxhinj e ligësira që s’të ndahen

Tani ju mund të ndjeheni realisht të vlerësuar si një forcë e re në fushëbetejë e në ndërkohën që patronazhistët e kalitur në përballje të shkuara, po përgatiten të hyjnë së shpejti në skenën e betejës së radhës, si një forcë e sprovuar më shumë se sa njëherë, ju jeni në sprovën tuaj të parë dhe ja urdhëro si erdhi puna, ende pa mbaruar nxemjen i keni shqetësuar shumë kundërshtarët tanë të dëshpëruar e të çoroditur

Përgëzime

Tani futini një marsh tjetër jashtë programit, që ta shohin të paudhët se sa gabim bëjnë kur na e rrisin adrenalinën, duke na ngacmuar edhe kur s’kanë parë gjë akoma