Kush janë 10 Presidentët më të pasur në historinë e SHBA?!

Që nga ditët e para të themelimit të Amerikës, amerikanët e pasur kishin kontribut të jashtëzakonshëm për vendimet dhe të ardhmen e vendit.

George Washington, Thomas Jefferson dhe James Madison, autorët e Kushtetutës amerikane, kishin prejardhjen nga familje shumë të pasura dhe me shumë prona.

Paraja dhe lidhjet e tyre me dekada i ndihmojnë familjet më të pasura amerikane që të realizojnë ëndrrat e tyre presidenciale. Në këto dinasti politike përfshihen edhe familjet Adams dhe Bush. Mirëpo, jo të gjithë presidentët amerikan e filluan karrierën e tyre politike si të pasur. Disa prej tyre, gjithë pasurinë që kanë e fituan pasi dolën nga Shtëpia e Bardhë.

Rroga vjetore e Presidentit të SHBA është 400.000 dollarë.

24/7 Wall Street ka analizuar financat e presidentëve amerikanë dhe i ka harmonizuar në nivelin e inflacionit nga dhjetori i vitit 2018. Kjo kompani për lajme nga bota financiare gjithashtu ka llogaritur edhe të dhënat për pasurinë, siç janë, pasuria e paluajtshme, kursimet, trashëgimia, të ardhurat nga shitja e librave, prona mbi kompanitë, përfitimet nga pasuria familjare dhe llojet tjera të ardhurave.

Ja lista e 10 Presidentëve më të pasur të SHBA në histori – me pasurinë e tyre të harmonizuar me inflacionin. 

1.Donald J. Tramp

Të ardhurat – Neto: 3.1 miliardë dollarë

Presidenti 45. (2017- )

Donald Trump ka lindur në një familje të pasur dhe sipas New York Times ka trashëguar nga i ati të paktën 413 milionë dollar. Më pas është pasuruar kur mori drejtimin e biznesit të të atit për shitjen e pasurive të paluajtshme dhe tani është pronar i pasurive të paluajtshme me vlerë prej disa miliarda dollarë.

2.John F. Kennedy

Të ardhurat – Neto: 1.1 miliardë dollarë

Presidenti 35. (1961-1963)

John F. Kennedy ka lindur në një familje të pasur dhe gjithë pasurinë e tij e ka trashëguar. I ati i tij Joe Kennedy, ishte njëri ndër njerëzit më të pasur në Amerikë, dhe paratë i ka fituar si bankier dhe në investime. Përveç pasurisë familjare, gruaja e Kennedyt, Jackie gjithashtu ishte një trashëgimtare e pasur, i ati i së cilës ishte tregtar në bursën e New Yorkut.

3.George Washington

Të ardhurat – Neto: 587 milionë dollarë

Presidenti i parë (1789-1797)

Presidenti i parë i Amerikës ka trashëguar pjesën më të madhe të pasurisë së tij. George Washington ka trashëguar plantacionin shumë fitimprurës Mount Vernon nga gjysmëvëllai i tij. Gjithashtu ka fituar mirë edhe si gjeneral e më pas si president. Rroga e Washingtonit në vitin 1789 ishte 25.000 $, që ishte 2 % e buxhetit federal.

4.Tomas Jefferson

Të ardhurat – Neto: 236. 8 milionë dollarë

Presidenti I tretë (1801-1809)

Thomas Jefferson ka trashëguar nga i ati i tij 1.200 hektarë tokë afër Charlottesvileal në Virginia. Ka shtuar edhe 809 hektarë dhe ka ndërtuar shtëpinë e tij të famshme Monticello. Edhe pse gjatë pjesë më të madhe të jetës mbeti i pasur, Jefferson në fakt ishte në borxhe të thella në momentin kur ndërroi jetë, si për të ardhurat nga bujqësia që ishin të paparashikueshme ashtu edhe për mënyrën e tij aristokrate të jetesës, ku Jefferson shpenzonte më shumë se sa fitonte.

5.Theodore Roosevelt​

Të ardhurat – Neto : 139.7 milionë dollarë

Presidenti 26. (1901-1909)

Theodore Roosevelt​ kishte një trashëgimi të madhe familjare  dhe nuk punoi shumë për ta shtuar atë. Që 23-vjeç u zgjodh në Kuvendin e shtetit të New Yokut dhe pjesën më të madhe të jetës e kaloi në shërbim publik. Mirëpo, e humbi një pjesë të pasurisë së tij për shkak të një investimi të keq në pronën që kishte në Dakotën e Veriut dhe Dakotën e Jugut.

6.Andrew Jackson​

Të ardhurat – Neto: 132.6 milionë dollarë

Presidenti 7. (1829-1837)

Andrew Jackson është njëri prej presidentëve të paktë amerikanë që kanë lindur të varfër, dhe pjesën më të madhe të parave i ka fituar duke u marrë me drejtësi. Mirëpo, bashkëshortja e tij Rachel ishte nga një familje pasur, dhe kur ndërroi jetë, pasi ai u zgjodhë president, Jackson ka trashëguar pasurinë e saj.

7.James Madison

Të ardhurat – Neto: 113.3 milionë dollarë

Presidenti i katërtë (1809-1817)

Prindërit e James Madisonit ishin jashtëzakonisht të pasur dhe kishin disa hektarë tokë. Kishte një plantacion shumë fitimprurës në Orange Countu në  Virginia dhe ndërtoi një pronë të famshme në Montpelier. Mirëpo, Madison para se të ndërroi jetë filloi ti pakësohej shuma e parave. Plantacionin nuk e kishte të suksesshme e thjeshtëri i tij i shpenzoi një shumë të madhe të parave, për shkak të problemeve me kumarin dhe alkoolin.

8.Lyndon B. Johnson​

Të ardhurat – Neto: 109.3 milionë dollarë

Presidenti 36. (1963-1969)

Lyndon B. Johnson ishte një djalë punëtor dhe shumë ambicioz pa shumë para deri sa u martua me Claudian “Lady Bird” Taylor, e cila ishte nga një familje e pasur e Texasit. Së bashku ishin pronar të gjësë së gjallë dhe 607 hektarëve tokë në Texas. Mirëpo, burimi kryesor i të ardhurave të tyre ishte radio stacioni, pronare e së cilës ishte Lady Bird.

9.Herbert Hoover​

Të ardhurat – Neto: 83 milionë dollarë

Presidenti 31. (1929-1933)

Herbert Hoover është njëri ndër njerëzit që vërtetë vetë e kanë krijuar pasurinë dhe sukesin. Si fëmijë ka ngelur jetim por ka diplomuar në Stanford dhe ka punuar si inxhinier minierash, para se të futej në politikë. Është autor i një libri për inxhinier minierash dhe ka blerë disa miniera argjendi në Burma, falë të cilave dhe u bë i pasur.

10.Bill Clinton

Të ardhurat – Neto: 75.9 milionë dollarë

Presidenti 42. (1993-2001) Bill Clinton pasi u largua nga posti i presidentit, dhe fitoi miliona dollarë nga autobiografia e tij në vitin 2005, të cilën e titulloi “My life”. Gjithashtu edhe pasuria e bashkëshortes së tij Hillary e ndihmoi. Besohet se Ish-Sekretarja amerikane Shtetit, Hillary Clinton, kishte marrë një parapagesë prej 14 milionë dollarëve për kujtimet e saj nga viti 2014. “Hard Choices”. Si Billi ashtu dhe Hillary kanë fituar miliona dollar duke falënderuar fjalimeve të tyre që i mbajnë me pagesë. pafrike.al © Të gjitha të drejtat e rezervuara