Kush jep sot dorëheqje?! Kosova humb në ENTSO-E me ndihmën e Maqedonisë dhe Malit Zi…

Për ata që kishin iluzion se Maqedonia dhe Mali i Zi e mbështesin Kosovën, shndërrimi i fitores shqiptare në humbje në Shoqatën Evropiane të Rretit energjetik, ENTSO-E, dëshmoi të kundërtën ose atë që vetëm qeveria kosovare e kishte në ëndrrat e saj por jo edhe qytetari.

Qeveria e Kosovës mund të heshtë, por presidenti i Serbisë, Aleksandar Vuçiç lajmëroi sapo u dha vendimi se Serbia korri një fitore të madhe duke ju falënderuar Hungarisë e cila votoi kundër që kompania energjetike serbe, EMS, të largohet  nga Kosova, ashtu si edhe Bullgaria, Rumania dhe Greqia.

“Për herë të parë Maqedonia dhe Mali i Zi abstenuan dhe unë i falënderoi,” tha Vuçiç duke vlerësuar këtë fitore të madhe të Serbisë.

Dhe deri sa Aleksandar Vuçiç po feston, Ramush Haradinaj duhet të vlerësoj mirë se çfarë po bënë ministri i Jashtëm i Kosovës, Behgjet Pacolli i cili përveç se po humb njohjet e Kosovës, po humb edhe miqtë si Maqedonia, Mali i Zi dhe Bullgaria, si dhe Hungaria, një mike për armiqësinë e së cilës duhet të “falënderohet” diplomacia kosovare.

Ndryshe, për këtë humbje shqiptare në ENTSO-E, pozicionin e vetë duhet ta rishikoj edhe vetë Ramush Haradinaj.

Vetë Vuçiç të enjten ishte i alarmuar në prag të humbjes së Serbisë duke akuzuar evropianët se dëshirojnë ta largojnë Serbinë nga sistemi energjetik i Kosovës.

“Në projektmarrëveshjen energjetike ishte e qartë se duhet të themelohet Bashkësia e komunave me shumicë serbe, me të cilën do të themeloheshin dy kompani energjetike serbo-shqiptare në veri. Ato do të ishin transmetuese deri tek operatori shqiptar. Meqë nuk është themeluar Bashkësia e komunave me shumicë serbe, me fajin e Prishtinës, ata duan të na rrëmbejnë, të na rrëmbejnë tranzitin e energjisë elektrike, që të humbin një linjë interkonjeksioni drejtë  Maqedonisë, dy drejtë Shqipërisë, tre drejtë Malit të Zi,” tha Vuçiç.

Kjo, përveç shndërrimit të fitores në humbje dëshmon se lumi i akuzave që qeveria e Hashim Thaçit fabrikonte në kohën sa ishte kryeministër, kundër qeverisë së Sali Berishës për pengesat e linjës së interkonjeksionit me Shqipërinë, ishin vetëm gënjeshtra. Sot kjo linjë interkonjeskioni është ndërtuar por jo edhe lidhur në sistemin energjetik, dhe rezulton se fajtor jo që nuk është Sali Berisha por as Alkesandar Vuçiç që shfytëzon paaftësinë e qeverisë së Kosovës për rikthyer miqësinë me Shkupin dhe Podgoricën zyrtare.

Në fund duhet theksuar se ENTSO përbëhet nga 43 operatorë të sistemit të transmetimit të energjisë elektrike nga 36 shtete të Evropës. ENTSO para pak kohësh ka bërë të ditur se është duke punuar në aftësimin e kuadrove të rrjetit që do të hapen për shtetet që nuk janë anëtare: Ukraina, Moldavia, Gjeorgjia dhe Kosova.