Kuvendi i PD, Berisha: Rithemelimi i PD, sot De Jure e bëjmë realitet!

“The final countdown” ishte kënga që e shoqëroi edhe sot liderin historik të Partisë Demokratike, Sali Berisha, ndërsa po i drejtohej delegatëve të Kuvendit Kombëtar të PD, për ti çuar drejt një fitoreje të re dhe paralajmruar Partinë Socialiste se humbjen e kanë te pragu i derës sikur edhe ta mbyllin atë.

Dhe, sot ai nuk fshehu emocionet pse Kuvendi Kombëtar i Partisë Demokratike iu përgjigj thirrjes së “Foltores” për ta bërë me 4.934 delegatë të pranishëm edhe Kuvend të ligjshëm

“Të dashur delegatë dhe delegate të Kuvendit më madhështor, më të bukur, më triumfues, më mahnitës, në historinë e pluralizmit shqiptar në këto 30 vite. Kuvendi që mblidhet si monument i lirisë shqiptare, Kuvendit që mblidhet si monument i rithemelim të PD. Kuvendit që mblidhet si monument madhështor i rithemelimit të PD-së. Kuvendit të parë në histori të kultit të anëtarit të PD, të kultit të lirisë, të anëtarit të lirë. Qytetarë shqiptarë ju përshëndet sot nga kjo platformë me të cilën ne vendosim që të rithemelojmë forcën e madhe politike të PD.

Ta shndërrojmë sot në Partinë e idealeve tuaja, në partinë e vlerave konservatore, në partinë e interesit kombëtar, të integrimit të fuqishme euroatlantik.  Kjo forcë politike që nesër në pushtet të vendosë në shoqëri vlerat më të mëdha , më të çmuara, të rivendosë dinjitetin njerëzor familjen shqiptare dhe vlerat e saj, ekonominë e tregut, pronën , qeverisjen e vogël , taksat e ulëta, rritjen e rrogave dhe pensioneve do të ketë në epiqendër shtetin ligjor, barazinë para ligjit. të gjithë nën ligj. Kjo është thirrja juaj sot nga ky Kuvend i pashembullt në histori. Ky Kuvend sjell PD në themelet e saj si forcë politike, evokacionin perëndimor të Kombit shqiptar, si forcë politike të interesit kombëtar që sot vuan.

Më lejoni të përulem me mirënjohje të pakufishme ndaj studentëve dhe studentëve të dhjetorit ’90 që u ngritën si luanë me kryeprijësin e tyre Azem Hajdari dhe zhvilluan një betejë që ngjasonte me atë të David kundër Golias. Në një anë studentët dhe në anën tjetër diktatura me tanke. I përshëndes me mirënjohje të gjithë ata që themeluan PD që përmbysën diktaturën në Shqipëri dhe që me përkushtim hollën themelet e rendit të ri demokratik. më lejoni të përshëndes të gjithë ata të cilët në kulmin e rebelimit komunist në vitet ’97 qëndruan të pamposhtur dhe u përballën me rebelimin dhe me frymën e bashkimit, PD u rikthye në pushtet dhe në 8 vite ndryshoi këtë vend më shumë se të gjithë 10-vjeçarët para saj,” tha Sali Berisha duke përshëndetur nga kjo platformë forcat konservatore në Europë dhe botë  në SHBA e kudo.

Kuvendi, tha lideri historik i Partisë Demokratike, është ngjarja historike për ata dhe konservatorët kudo në botë sepse mblidhet si Kuvend shpëtimtar, i vendosur të rrëzojë narkoshetin dhe i vendosur të ngrejë PD-në si parti konservatorë në piedestalin që meriton duke u përballur me mafien më të rëndësishme, të interesave Gorge Soros.

Edhe me këtë rast, Sali Berisha akuzoi Lulzim Bashën për opozitarizmine tij të munguar kundë Edi Ramës.

“Të dashur delegatë dhe delegatë, ne mblidhemi sot për të rithemeluar PD në një kohë kur me gjithë trashëgiminë tonë të shkëlqyer në historinë e shkuar pa mohuar gabimet dhe defektet ne erdhëm në vitin 21 të këtij shekulli para një alternative shumë të rëndë. Partia që anëtarësoi Shqipërinë në NATO që u faktua lokomotivë e integrimit, që dha kontribute historike, në pavarësinë e Kosovës dhe lirinë e shqiptarëve, partia që hodhi bazat e ekonomisë së tregut dhe e projekteve të mëdha. Kjo pari arriti në vitin 2021 si një forcë politike e cila krijonte përshtypjen se ndodhej para alternativës ‘too be or not too be’, ‘të jesh apo mos të jesh’.

Po pse ndodhi kjo? Në 2013-ën PD pas 8 vitesh në qeveri humbi zgjedhjet, njohu dhe realizoi rrotacionin e pushtetit. Kryetari i saj dha dorëheqje, ashtu siç i takon çdo kryetari partie kur humbjet zgjedhjet. Në krye të PD erdhi përfaqësuesi i një gjenerate të re, i cili në vend që të fuqizonte PD, bëri të kundërtën e saj. Lulzim Basha në 8 vite de facto u faktua vetë si një kallp opozitar. Ai nisi drejtimin e forcës, duke u përkulur para regjimit të Ramës. Dy vite pasi dorëzuam pushtetin, Edi Rama i bllokoi çdo projekt të madh të Bashkisë së Tiranës. I bllokoi Bulevardin, sistemin e lumit, vendosjen e tramvajit, sistemin multimodal. Të gjitha këto projekte të mbështetura fuqishmit nga qeveria e PD. Duke pasur një armatë demokratësh, duke disponuar bashkinë më të madhe të vendit, kryetari ynë nuk lëvizi një gjethe në protestat e fuqishme të Tiranës, dhe t’i vinte Ramës kufirin te thana dhe të qëndronte i pamposhtur ndaj regjimit të tij.”

Zinxhiri i gabimeve të tij, shtoi Berisha erdhi gjithnjë duke u trashur, çdo nismë që nisi e ndërpreu me urdhër, të kujt askush se di. Çdo protestë që nisi, nuk e sosi kurrë me sukses, bëri prita politike kundër bashkëpunëtorëve të tij.

“Në 8 vite bëri gjithçka për të ndërtuar monumentin e fashizmit, por ndërtoi monumentin e hiçit. Në 8 vite, ne përfunduam si një forcë politike që nuk shihte asnjë fitore. PD i shëmbëllente një druri të thatë që nuk gjelbëron as verë e asnjëherë.

PD pas zgjedhjeve të 2021, që ai i shpalli masakër elektorale dhe të tilla ishin, mbeti jetime. Vota e shqiptarëve mbeti jetime sepse Lulzim Basha u kujdes për karrigen e tij, u kujdes për marrëveshjen me kreun e Meduzës. Vendosi ta shndërronte PD në një fasadë opozitë, në një shtojcë të vërtetë të narkoshtetit shqiptar. Pasi tradhtoi votën tuaj të shqiptarëve vazhdoi në rrugën e tij, duke kryer krimin më të shëmtuar, shkelmimin e sovranitetit të PD. Dorëzoi sovranitetin për të shpëtuar kokën e tij, burracak që nuk kishte karakter të jepte dorëheqjen. Më pas shkelmoi në vazhdim statutin, përjashtoi drejtues të saj pa asnjë konsultë e analizë.

Sulmoi në mënyrë të verbër partnerët tanë të shkëlqyer, sulmoi FRPD e LDG. Në 8 vite basha partinë e vlerave konservatore e spostoi vetëm majtas. Ngushtoi hapsirat totale për të përndjekurit politikë, shtylla të mbijetesës në kohëra më të vështira dhe në fund me qëndrimet e tij dëshmoi se jo vota, jo vlerat e demokracisë në PD po parimet e partive të majta ishin pasion e vullnet i tij.

Në këto kushte të shumtë ishin ata që besonin se PD duhej të shkrihej se mbaroi misionin e saj, se është një forcë që nuk fiton dot, që është shdërruar në dekor të regjimit, certifikon vrasjen e shpresës së shqiptarëve. Për të gjitha këto arsye themelore, demokratë në mbarë vendin u bashkuan me nismën shpëtimtare të Foltores dhe ata, vendosën me diskutimet e tyre, me debatet më të lira që ka njohur vendi në 30 vitet e fundit, me përkushtimin më të madh si njerëzit më të lirë të këtij vendi të rithemelojnë PD që sot ne de juro e bëjmë realitet,” tha lideri historik i PD, Sali Berisha, për vazhduar drejt vendit të votimit ku hodhi votën e tij të fshehtë për shkarkimin e kryetarit të PD, Lulzim Basha.

Dy gishta me votën për shkarkimin e Lulzim Bashës ishte dhe përmbushja e zotimit të liderit historik të PD, paar demokratëve në “Foltoren” e institucionalizuar nga ata që vendosin ta rithemelojnë Partinë Demokratike pas humbjes së turpshme të 25 Prillit.