Kuvendi Kombëtar, Berisha: Sot dorëzojmë 4.200 firma!

Sot Ish-Presidenti Sali Berisha me produktin final të “Foltores” për thirrjen e Kuvendit Kombëtar, 4.200 firma të delegatëve, tha se ato do ti dorëzohen Kryetarit të Këshillit Kombëtar të PD, Edi Paloka.

Duke shpallur solemnisht 4.200 firmat e mbledhura, lideri historik i PD sqaroi procedimin e mëtejmë të “Foltores”, fatin e kryetarit aktual të PD, Lulzim Bashi dhe çfarë do të ndodhë nëse ai më 12 Dhjetor nuk e pranon si Kuvendin e mbajtur Kombëtar ashtu dhe vendimet e tij.

“Prej më shumë se një muaji mori jetë në një moment kritik të historisë së pluralizmit lëvizja e një grupi deputetësh drejtues qendrorë, lokalë të PD, anëtarë e anëtare të kësaj partie me qëllimin më madhor ringritjen e PD, shndërrimin e saj në një forcë vigane opozitare dhe me mision çmontimin e narko-shtetit, rikthimin e Shqipërisë në rrugën e demokracisë dhe integrimit.

Ky proces, ka një kusht para së gjithash e mbi të gjitha, shndërrimin e PD, në një forcë të vlerave konservatore në Shqipëri. Ju jeni dëshmitarë, se si kreu i meduzës Edi Rama, me të gjithë anturazhin e tij të krimit dhe të drogës arriti pothuaj të shuajë opozitarizmin në Shqipëri. Arriti, të shndërrojë PD në një parti që u largua këto 8 vite nga vlerat e saj themelore, nga parimet e saj themelore, mandatin e tretë të Edi Ramës. Një rol e rëndësi të veçantë ka luajtur dhe Geroge Soros me mafien e tij. Armik i egër i konservatorizmit në Shqipëri dhe në botë.

Ai bëri gjithçka që në këto vite në Shqipëri të ktheje de fakto monizmi. Ju jeni dëshmitarë që sot Edi Rama kontrollon 10 % më shumë pushtet se sa kontrollonte Ramiz Alia në vitin ’91. Kjo përballje e suksesshme. Kjo lëvizje që tronditi Shqipërinë dhe u shndërrua në dritën e tunelit të zi në të cilin ishin zhytur shqiptarë që rrezatojnë në arenën ndërkombëtare është pas vitit 1991, lëvizja e dytë më e rëndësishme historike. Ju jeni dëshmitarë të përpjekjeve djallëzore të narko-qeverisë dhe aleatëve të saj, ta pengojnë me çdo kusht këtë lëvizje. Të shkurajojnë demokratët, me deklarata absurde, me qëllime anti-demokratike, por që të gjitha dështuan. Çfarë nuk iu diktua këtë javë peng Bashës në deklaratat e tij të pafundme absurde. Foltorja kaloi nga suksesi në sukses. Kaloi si dritë shprese nga shpirti në shpirt.

Kaloi si burim entuziazmi nga zemrat në zemrat e shqiptarëve. Kush e mendonte këtë dy muaj më parë? Unë që po flas këtu? Kot pa lidhje janë. Pse kjo lëvizje u shndërrua në magnet të fuqishëm të rinisë shqiptare. Pse vajzat dhe gratë u shndërruan në mbështetës kryesor të saj. Çfarë ndodhi? Kjo vjen nga fakti se që të gjithë këta dhe çdo ditë e më shumë shohin te foltorja burimin e shpresës. Shohin te foltorja shpërthimin e energjive, shohin te foltorja dritën drejt ngritjes dhe fitores. Nuk mund ta mohoj, se shohin te Sali Berisha një potencial të tillë që mund të bëjnë të harrohet Berisha i dytë në përpjekjen e tij për një rikthim të suksesshëm. Këto javë, kam pasur fatin e madh së bashku me bashkëpunëtorët e mi të takohem e bisedoj me dhjetëra mijëra demokratë e demokrate. Kam konstatuar, vendosmërinë e tyre për t’u ringritur. Besimin e tyre se liria e vota e lirë janë themeli i rindërtimit të PD, se bashkimi i demokratëve nga dita e themelimi i saj. Ftesa ime për bashkim është e sinqertë. Siç e keni ndjekur vetë, në foltore nuk kanë qenë vetëm themeluesit, por të gjithë ata që e ndryshuan Shqipërinë. Shqipëria tjetër është ajo që qeveriset me logon e PD. Shqipëria e integruar, në NATO, është vepër e tyre,” tha Berisha duke shtuar se më pozitivja është përqafimi që i ka bërë rinia kësaj lëvizje.

“Delegatët e Kuvendit Kombëtar firmosën masivisht formularin për të thirrur në ditën e themelimit të Partisë Demokratike të Kuvendit. Kuvendi që do të bëjë Shqipërinë me opozitën më fitimtare që ka pasur Shqipëria ndonjëherë. Këtu kemi sjellë 4200 formularë të delegatëve nga 1800 që është detyrimi statutor për thirrjen e tij. Këtu përpara kemi një shumicë të Shqipërisë. Mos llogarisni shumicën me votën e vjedhur atje. Grupi Përfaqësues i firmëtarëve ka vendosur që këto formularë historikë të rithemelimit të pluralizmit  t’i depozitojë në selinë e Partisë Demokratike tek Edi Paloka. Pse kjo përzgjedhje? Në forumet e PD-së për dramën e kësaj partie i vetmi forum brenda saj i konstituar është Këshili Kombëtar. Peng-kryetari nuk ka mbledhur akoma kryesinë sepse ka frikë nga firmat. Për këto arsye depozitohen pranë kryetarit të Këshillit Kombëtar. Me garancinë e plotë se do të ruhet privatësia e të dhënave personale. Kanë firmosur 4200, qindra të tjerë janë duke firmosur, rreth 1200 janë në emigracion. Cili do të jetë qëndrimi ndaj atyre që nuk duan të firmosin? Ata janë të mirëpritur në Kuvendin e PD-së.”

Në këtë situatë, lideri historik Sali Berisha ka ftuar kryetarin aktual të PD të marrë pjesë në “Foltore” duke shtuar se mund të sjellin një përfaqësues të tyre për të verifikuar të gjitha firmat e dhëna nga delegatët, për mbledhjen e Kuvendit Kombëtar.

“Partia Demokratike që është sot këtu para jush, kam parasysh këtë mazhorancë, nesër nëse Presidenti dekreton zgjedhjet i fiton. Është një optimizëm i jashtëzakonshëm në radhët e PD. Çfarë përfaqëson ajo? Kur nuk takon dot një anëtar, një seksion, një degë, ai përfaqëson katër muret e zyrës së tij.

Kush e pengon? Unë e ftoj të vij në “Foltore” të vijë, por nuk del dot, nuk e lanë, sepse është sjellë në mënyrë të pa imagjinueshme me elektoratin e PD. Ai zbaton urdhrat që japin të tjerët, që shkelmojnë PD. Problemet i ka krijuar vetë ai,” tha Berisha duke përsëritur se lëvizja e tij dhe aksioni politik që po ndërmerr është në përputhje me statutin e partisë.

“Që të mblidhen firmat e ka të përcaktuar statuti. Është nen në statut. Marr rastin e kryetarit. Ai vendosi pa pyetur asnjë forum, duke shkelur statutin, duke pasur forume. Mori vendim që nuk do e merrte kurrë dhe e mori për karrigen e tij. Kështu që kryetari nuk do të pranonte kurrë të thërriste kuvendin. Mund ta bënte Këshilli Kombëtar, por e gjykuam më mirë ta thërrasë anëtarësia. Pra, nisma është 100% statutore. Procesi është plotësisht statutor. Verifikimi nuk është vetëverifikim, por të gjithë jeni të ftuar të shikoni te tryeza. Është tjetër kjo erë e re, kjo është rikthim i transparencës dhe lirisë në PD. Do të bëhet proces shumë transparent, i rregullt.,” tha Berisha duke përfunduar:

“Atë që s’e ka bërë kurrë PD në këto vite. Jemi detyruar të përshtatemi. Nuk bëhet Kuvendi me 8 mijë delegatë, kur salla është me 3 mijë vende. Do të ketë një rindërtim të PD, kjo është mekanizmi se sit ë shuhesh shto miell e ujë në mënyrën më klasike për të shuar partinë, por ne këto kushte kemi.”

Me këtë rast, lideri historik i PD sqaroi se cila do të jetë lëvizja e tij në qoftë se Basha apo lidershipi i PD nuk e njeh Kuvendin dhe ndryshimet e statutit:

“Nuk dua të paragjykoj asgjë. Ai që nuk njeh statutin, përjashton veten. Del nga radhët e partisë. Statuti është kushtetuta e partisë. Pavarësisht nga deklaratat që janë bërë, unë mendoj se çdo demokrat dhe demokrate do të respektojë vullnetin e shumicës, statutin dhe forumet e PD-së, përndryshe zgjedhin rrugën e vetëlargimit, zgjidhje që nuk ua këshilloj. Një nga ndryshimet themelore të statutit, do të jetë lejimi i fraksioneve. NE PD-në do e shndërrojmë në shtëpinë e lirisë,” tha Sali Berisha duke sqaruar abuzimin mediatik se ai është shprehur se do të bëhet Kryeministër:

“Jo, kam deklaruar që mund ta bëj. Kam deklaruar se edhe kryeministri do të votohet me primare dhe jo detyrimisht do të jetë kryetari i partisë. Unë do pranoj çdo lloj verdikti që të japin demokratët me votën e tyre të përgjithshme, por në këtë lëvizje, siç është e qartë si drita e diellit se ka një kërkesë masive për rikthimin e Sali Berishës, gjë të cilës nuk i rezistoj. Unë e pranoj, e pranoj si një detyrim, por në çdo moment që demokratëve të mos iu duket e arsyeshme unë pranoj verdiktin e tyre. Por ju e shihni. Le të dalë Edi Rama në një debat televiziv me Sali Berishën. Morën çerekun e audiencës me foltoren. janë mërzitur njerëzit. Njerëzit duan debatin e lirë. Se çfarë ofron foltorja. Ofron fjalën e lirë të njerëzve të lirë. Gjithçka në rrafshin moral. pse është bërë kaq tërheqëse, kaq entuziazmuese, pikërisht fjala e lirë nga njerëz të lirë.”

Në fund sqaron dhe skenarin se çfarë do të ndodhë më 12 dhjetor në selinë e PD-së pasi Basha nuk e njeh Kuvendin dhe as produktin e këtij Kuvendi.

“Tani është njëlloj si të thuash z. Basha nuk njeh më veten e tij. Edhe kjo mund të ndodhë por këto janë punët e tij.
PD me datën 12 dhjetor gdhin e rithemeluar, gdhin e fuqishme në këmbë, do vazhdojë projektin e saj. Nuk është projekt që përfundon më 11 dhjetor, ka faza të tjera. Kryetari pa parti, në vlerësimin tim, duhet të votohet nga anëtarësia e partisë, ndonëse Kuvendi ka pushtet absolut për shkarkimin e tij. Këto janë çështje që do zgjidhen gjatë rrugës”, tha Berisha.

Për të përmbyllur këtë akt në mënyrë ceremoniale, lideri historik i PD duke iu përgjigjur të gjithë atyre që kërkuan të komentoj deklaratën e Ambasadores amerikane në Tiranë, Yuri Kim se nuk do të bashkëpunojë me askënd që është shpallur NON GRATA nga SHBA:

“Më duhet të them se “Foltorja” ka zgjuar shpresa të mëdha në mbarë botën. Unë dua t’ju informoj se kjo pritja që shihni në Shqipëri për foltoren nuk është më pak entuziaste në vendet mike. Nuk është më i vogël entuziazmi në vendet mike. Nuk janë më të pakta përgëzimet që marr për këtë nismë të pluralizmit nga përfaqësues zyrtarë të vendeve mike në Evropë, por për hir të së vërtetës nga zyrtarë të lartë të SHBA-ve në krahun republikan.

Pra, për të mbyllur këtë problem, zonjës ambasadore dhe cilitdo tjetër që kanë një provë apo fakt të vetëm, e ftoj t’i dërgojë pranë gjykatës në Paris. Shpreh kënaqësinë e madhe, se miq dhe përfaqësues të vendeve mike, se personalitete të shquara të elitës politike amerikane, nuk pajtohen, nuk pranojnë, nuk binden, e madje e marrin thjeshtë si një hakmarrje politike se kemi prova, por nuk i themi. Kjo ka marrë fund, ke prova çoi para gjykatës. Miq të shtuar nga të dy anët e Analitikut që më kanë thënë se kanë parë dosjet e kanë gjetur atë si në materie. Shqipërinë do e afroj akoma më shumë me BE dhe SHBA-të, ky është zotimi im,” tha lideri historik Sali Berisha duke sqaruar në fund se cili do të jetë fati i Lulzim Bashës nëse vjen në krye të PD-së, Sali Berisha shprehet:

“Partia Demokratike nuk përjashton. Janë larguar njerëz, por janë larguar vetë për arsye që i kanë gjykuar të drejta. Lulzim Basha me gjithë dëmin e tmerrshëm që i ka bërë PD-së, megjithësë është peng për faj të vetin dhe të asnjë demokrati, përsëri mendoj se do jetë vetë ai që do e përcaktojë vendin e tij. Demokratët do të flasin me votë për Lulzim Bashën.”

Pas publikimit të 4.200 firmave të mbledhura ato u nisën drejt selisë së Partisë Demokratike për t’iu dorëzuar Kryetarit të Këshillit Kombëtar, Edi Paloka, me kërkesën për të mbledhur Kuvendin e jashtëzakonshëm Kombëtar:

Meqë  Kryetari i PD, Lulzim Basha nuk ka pranuar dhe ka deklaruar se nuk do të ketë asnjë Kuvend Antiamerikan, ajo iu dorëzuan Kryetarit të Këshillit Kombëtar, Edi Paloka.

Nuk dihet se pse ishte shqetësuar Gazmend Bardhi në orët e mbrëmbjes por ai doli të sqaroj opinionin se lideri historik Sali Berisha bëri blof.

“Pas 30 vitesh në Partinë Demokatike Sali Berisha i di mjaft mirë rregullat se si funksionon Partia Demokratike dhe se si mblidhen organet e Partisë Demokratike. Ajo që tha sot nuk ka asnjë lidhje me Statutin e Partisë Demokratike, nuk ka asnjë lidhje me funksionimin demokratik të Partisë Demokratike.

U provua qartesisht, sytë e opinionit publik që gjatë gjithë kësaj periudhe Sali Berisha ka luajtur një bllof të madh me demokratët. Ai nuk ka arritur dot të mbledhë 1/4 e firmave për të vënë në lëvizje proçedurën për mbledhjen e Kuvendit Kombëtar.

Nëse do të kishte mbledhur 1/4 e firmave të anëtarëve të Kuvendit Kombëtar, ai e di jaft mirë proçedurën se ku dorëzohen dhe se si është proçesi për thirrjen e Kuvendit Kombëtar të Partisë Demokratike. Në fakt, ajo që pamë sot, për fat të keq është një tallje e madhe me demokratët dhe sakrificën e tyre.

Partia Demokratike është një institucion, funksionon mbi bazën e Statutit të Partisë Demokratike. Ka rregullat e qarta se si mblidhen institucionet e Partisë dhe është fyerje e rëndë për çdo demokrat që të pretendohet të mbahen sekret anëtaët e Kuvendit Kombëtar nga organet statutore të Partisë Demokratike. Nuk ka fyerje dhe tallje më të madhe për demokratët që t’i thuash atyre se të dhënat e anëtarëve të Kuvendit janë sekret nga institucionet legjitime, statutore të Partisë Demokratike.

Apeli im është i qartë. Cilido që kërkon funksionimin demokratik të Partisë Demokratike, mbledhjen e institucioneve dhe forumeve të PD, do te duhet të ndjekë proçedurën sipas Statutit të Partisë.

Demokratët e dinë proçedurën.

Sali Berisha për shkak të funksioneve drejtuese për vite të tëra në PD e di edhe më mirë se sa një demokrat i thjeshtë proçedurën e mbledhjes së institucioneve prandaj nëse do t’i kishte firmat dhe nuk do të kishte luajtur bllofin gjatë gjithë kësja periudhe.

E keni degjuar besoj kakofoninë e shifrave. Para një muaji tha se u nblodhën 80% të firmave, ju e keni transmetuar. Pastaj u tha 90%. Pastaj dikush doli dhe tha 110% të firmave. Para një jave thanë 70%, sot dolën dhe deklaruan dhe thanë se kanë mbledhur 60%. Në fakt e vërteta është dhe proçesi dhe proçedura tregon që kjo ka qenë e gjitha një bllof dhe nuk është arritur mbledhja e 1/4 të firmave të anëtarëve të Kuvendit për të vënë në lëvizje proçedurë statutore për mbledhjen e Kuvendit Kombëtat të Partisë Demokratike,” tha Gazment Bardhi i cili në mesnatë del dhe fol i shqetësuar për Statutin e PD ndonëse po ky Statut nuk e njeh si Sekretar të Përgjithshëm të PD njeriun që nuk është zgjedhur me votë të fshehtë, bazuar në Nenin 44 Pika 6.a: Këshilli Kombëtar vendos, me votim të fshehtë , për emërimin dhe shkarkimin nga detyra e Sekretarit të Përgjithshëm.