Kuvendi Kombëtar i PD/ Unaza e Re, Protoduari: Ngrihu o popull, ky kryeministër kriminel duhet të ikë…

“Ky kryeministër një orë e më parë duhet të ikë,që të shpëtojë kombi nga ky i paedukuar, nga ky kriminel, ky i pacipë, nga kydrogaxhi.” Kështu u shpreh në Kuvendin Kombëtar të PD, simboli i protestës së banorëve tek Unaza e Re, Lindita Protoduar, ndryshe nëna e Dorjan Protoduarit, protestuesit i cili u arrestua vetëm pse mbrojti pragun e shtëpisë.  

“Vij nga një familje e persekutuar, kur akoma po kërkojmë të drejtën e fjalës dhe na burgos si i ati i tij, si etërit e tij. Ky kryeministër një orë e më parë duhet të ikë, që të shpëtojë kombi nga ky i paedukuar, nga ky kriminel, ky i pacipë, nga ky drogaxhi. Jam e privilegjeruar që bëj pjesë në këtë Kuvend dhe i them gjithë rinisë të mos ketë frikë nga ky, i biri i Kristaq Ramës,” tha zonja Protoduari duke i bërë thirrje banorëve të Unazë së Re që të mos kenë frikë dhe të protestojnë:

“I bëj thirrje Unazës së Re, jam një banore eUnazës që të mos kenë frikë të protestojnë kur do të hedhë në rrugë 2.000 familje nga anembanë vendit, të mos ketë frikë nga ky pushtues, por të marrë të drejtën e fjalës dhe të kërkojë të drejtat e tyre.”

Me këtë rast ajo i bëri thirrje edhe studentëve:

“I bëj thirrje studentëve, se kur një kushëriraime që ishte në vitin e fundit të Mjekësisë dhe kërkoi të drejtat e saj, njëlloj si djalin tim, po e burgos. Turp, turp i këtij vendi!”

Ndërsa përfundoi:

“Jam më e privilegjuara këtu që po na jepni fjalën, se ne po na shtyp kjo diktaturë dhe ky njeri i pacipë. Kur fëmija im sot është në burg, se ngriti zërin dhe kërkoi fjalën etij, turp të ketë! Ngrihu o popull sa nuk është vonë! Të rrojë demokracia!”