Kuvendi Kombëtar/ Nuk mjafton largimi i Edi Ramës, Basha: Ja alternativa e Partisë Demokratike…

“Vetëm largimi i Edi Ramës nuk mjafton që të garantojë mirëqeverisjen e vendit, nuk garanton mospërsëritjen e gabimeve dhe keqqeverisjes të së shkuarës. Që të ndodhë kjo gjë duhet të ndryshojë struktura politike dhe ekonomike e vendit.” Kështu u shprehë kryetari i Partisë Demokratike, Lulzim Basha, në Kuvendin Kombëtar të PD, duke e pranuar se janë bërë gabime, por me ndihmën e demokratëve janëkorrigjuar dhe përmirësuar.

Para Partisë Demokratike, lideri i saj e pranoi se është një punë e vështirë por vendi ështënë emergjencë:  

“Rilindja solli nëmajat e pushtetit dhe në mes të Kuvendit vrasës dhe përdhunues. Rilindja e ka shndërruar këtë parti politike në një shtojcë memece të dhe organizatës së sajkriminale. Por pak kush flet për këtë. Sepse propaganda kontrollon çdo gjë.”

Duke konstatuar se drejtuesit e Partisë Demokratike, deputetët e saj dhe vetë demokratët e thjeshtë janë nën shënjestrën e sulmeve të makinerisë së propagandës qeveritare nga të gjitha anët, Lulzim Basha thekson se dekurajimi i demokratëve dhe përçarja e tyre është një objektiv i përditshëm i propagandës së Edi Ramës.

“Edi Rama dhe grupi i plaçkitësve të tij kanë nevojë që PD të jetë e përçarë, që PD të mos jetë ebesueshme. Edi Rama ka nevojë gjithashtu që shqiptarët të mendojnë se të gjithëjanë njësoj. Se krimi dhe korrupsioni i tij marramendës është diçka e zakonshme. Për të arritur këto qëllime të ndikimit të opinionit publik, për tëmanipuluar opinionin publik, Edi Rama ka financuar një operacion gjigand propagande, me kosto dhjetëra miliona euro, me para para të ardhura nga korrupsioni e nga krimi kundër Partisë Demokratike dhe çdo zëri kritik.”

Por, Shqipëria nuk ka nevojë të ndërrojë Edi Ramën me Lulzim Bashën. Shqipëria ka nevojë në radhë të parë të ndryshojë mentalitetin e qeverisjes: shërbim ndaj interesit publik ne vend te grabitjes për pasurim vetjak, tha Basha duke shtuar:

“Sot beteja jonë duhet jo thjesht për të larguar Edi Ramën dhe regjimin e tij shkatërrues nga pushteti, por për të zhdukur bashkë me të edhe këtë sistem të ndryshkur në qeverisje, në politikë dhe në ekonomi. Kjo gjë nuk arrihet me dhunë, por me mjete demokratike. Kjo gjë nuk arrihet me forcë, por me votë.”

Në fund, kryetari i Partisë Demokratike, Lulzim Basha, duke theksuar se detyra kryesore e opozitës mbetet hartimi i një alternative të besueshme qeverisëse  ai foli edhe për rrugëzgjidhjen:

“Programi ynë qeverisës do të synojë në radhë të parë ndryshimin e kursit të vendit dhe reformat e mëdha institucionale dhe strukturore. Ai do të synojë ndaljen e thellimit të krizës së vendit dhe zhdukjen e kushteve që kanë çuar në kriminalizimin e vendit, korrupsionin epidemik, autokracinë e vazhdueshme dhe ekonominë e mjeruar.”

Ja alternativa e qeverisjes së PD

Programi ynë do të synojë

1.Politikë të lirë, të hapur dhe konkurrente përmes:

-Dekriminalizimit të politikës.
-Dekriminalizimit të zgjedhjeve
-Kufizimit të pushtetit
-Transparencës totale të qeverisë
-Shtetit të së drejtës

2. Ekonomi të lirë të hapur dhe konkurrente përmes

– Dekriminalizimit të ekonomisë dhe aktiviteteve sipërmarrëse
-Deoligarkizimit të vendimmarrjes përmes çmontimit të sistemit të favoreve dhe rentave ekonomike, mundësuar nga politikat korruptive e klienteliste të koncesioneve dhe PPP-ve, të sistemit tërësisht klientelist të prokurimeve publike, të rregullimit të çdo gjëje nga shteti, të vendm-marrjes pa transparencë dhe të mbyllur
-Uljes së taksave, tarifave dhe çmimit të energjisë dhe naftës, dhe mirëadministrimit fiskal

3.Shoqëri të lirë, të hapur dhe konkurrente dhe krijimit të mundësive për të gjithë, pa lënë asnjë prapa. Tre prioritetet kryesore:

-Arsim masiv perëndimor, si fuqizues i burimeve njerëzore dhe çlirues i njerëzve!
-Teknologji e informacionit si fuqizues, mundësues dhe çlirues i potencialeve të njerëzve
-Kujdes social, që asnjë shqiptar të mos mbetet pa bukë, ujë dhe drita dhe ku kosto e jetës të jetë e përballueshme.

Ndaj le të nisim sot nga ky Kuvend për çdo shqiptar, lajmin që orët e errësirës po numërohenmbrapsht, sepse drita e shpresës që rinia ka ndezur, drita e shpreses për njëndryshim të vërtetë për çdo shqiptar nuk do të fiket, por do të shndrisë çdoditë e më fort derisa ta mposhtë errësirën!

Shikojini dhe dëgjojini mirë bijtë dhe bijat tuaja. Ata na thërrasin në këtë betejë. Dhe ne nuk mund t’i braktisim. Ne nuk do t’i braktisim! Le të luftojmë me ta e për ta. Le të shtrojmë me sakrificën tonë rrugën, që rinia tëjetë e sotmja e Shqipërisë. Një orë e më parë! Ajo do të jetë Ora e Shqipërisësi gjithë Europa!

Ndryshe, Kuvendi u hap nga Sekretari i Përgjithshëm i PD, Arben Ristani i cili paraqiti Komisionin për Drejtimin e Kuvendit, Komisionin e Verifikimit te Mandateve, i dha fjalën kryetarit të PD, Lulzim Basha, dhe pas verifikimit të mandateve u sqaruan procedurat e votimit.

Fjala për diskutimi iu dha disa delegatëve, folën dhe deputetët e PD, si dhe disa nga kryetarët e degëve.

E veçanta në këtë Kuvend ishte edhe hapësira që iu dha banorëve të Unazës së Re që preken nga projekti i Unazë së Madhe, me protestën e të cilëve Partia Demokratike  u solidarizua dhe vazhdon ta mbështes.

Kuvendi sipas axhendës vazhdoi me procesin e votimit, ku do të zgjidhen edhe anëtarët e rinj të KëshillitKombëtar të Partisë Demokratike.