Kuvendi Zgjedhor, Fadil Bytyqi, President i ri i FC Suhareka

President i ri i FC Suhareka sot u zgjodh Fadil Bytyqi!

“Kuvendi Zgjedhor i FC Suhareka, mbajtur sot me pjesëmarrjen e anëtarëve dhe përfaqësuesve të klubit, u zgjodh z. Fadil Bytyqi si President i ri i FC Suhareka,” thekson klubi futbollistik përmes një njoftimi në rrjetin social Facebook për Kuvendin Zgjedhor i cili zgjodhi edhe anëtarët e ri të Bordit: Nënkryetar, Adrian Hoxhaj; Tre anëtarë: Hamdi Bytyqi, Shyqeri Hoxhaj, Edin Berisha; Dhe, personi zyrtar i klubit, Berat Berisha.

Presidenti Bytyqi shprehu falënderime për besimin e dhënë dhe konfirmoi përkushtimin e tij për të punuar pa kompromis për rritjen dhe suksesin e klubit ndërsa Bordi i ri u zotua se me mbështetjen e të gjithëve, synojnë të vazhdojnë rrugën drejt majave të reja ndërsa përfundon:

Ju mbeteni gjithmonë pjesë e historisë dhe familjes sonë të madhe!