Kyçin Parlamentin e krimit, Basha: Beteja e radhës në…
“Bëhuni gati për betejën e radhës në Tiranë Shkodër Vlorë, Shkodër, Dibër Tropojë, Sarandë anembanë vendit.“ Me këtë paralajmërim kryetari i Partisë Demokratike, Lulzim Basha mbylli sot protestën e Opozitës së Bashkuar e cila nisi para Parlamentit të Shqipërisë, për tu zhvendosur tek kryesia e Parlamentit ku së bashku e kryetaren e LSI dorëzuan mandatet opozitare dhe u nisën drejtës selisë së PD për ta përmbyllur protestën pas tre orësh.
Me këtë rast, duke ju drejtuar të pranishmëve lideri i opozitës, Lulzim Basha, sqaro se cili do të jetë rrugëtimit opozitar sot kur Opozita e Bashkuara kyçi Parlamentin e krimit:
“Opozita sot dorëzoi mandatet dhe i vuri kyçin parlamentit të krimit. Prej ditës së sotme ne jemi qytetarët të thjeshtë në krahun tuaj, me ju dhe për ju. Nisëm sot një rrugëtim shprese i cili nuk do të ndalet deri sa destinacioni evropian i vendit të bëhet realitet. Deri sa ta largojmë kryehajdutin dhe qeverinë e tij kriminale, Rama ik,” tha Lulzim Basha duke paralajmëruar betejën e radhës:
“Në çdo cep të Shqipërisë le të nisim këtë rrugëtim shprese dhe force të pandalshme dhe popullore për rrëzimin e regjimit kriminal, largimin e Maduros dhe për të rikthyer në çdo vatër besimin se e nesërmja po vjen, po miq Shipëria do të ketë të ardhme dhe kjo nuk i takon kriminelëve, Niçave, Shullazëve, narkotrafikantëve, oligarkëve hajdutë që u kanë hequr bukën e gojës fëmijëve tuaja, nuk i takon njeriut që e solli këtë të zezë, Ramës dhe bandës së tij hajdute.”
Në fund, kryetari i Partisë Demokratike, Lulzim Basha siguroi të pranishmit:
“Shqipëria do të ketë të ardhme dhe kjo do të jetë e juaja, njerëzve të ndershëm që duan ti japin fund dhe do ti japin fund padrejtësisë, pandëshkueshmërisë, parlamentit të krimit për krimin nga krimi dhe do ti japin fund si i dhamë sot dhe së bashku me vullnetin tuaj me zgjedhje evropiane do të kemi një qeveri të popullit për popullin dhe nga populli.
E duam Shqipërinë si gjithë Evropa, liri, demokraci. Bëhuni gati për betejën e radhës në Tiranë Shkodër Vlorë, Dibër, Tropojë, Sarandë, anembanë vendit,“ tha Lulzim Basha duke e shpallur protestën e 21 Shkurtit të mbyllur, me himnin kombëtar!
