Të pafytyrët “lahen” me ujin e bekuar të deputetëve të Bashës: S’e votojmë Z.Mirakaj!
Pas “çeljes së syve” të kolegëve socialistë nga ana e deputetëve të Lulzim Bashës në Komisionin për Çështjet Ligjore, Administratën Publike dhe të Drejtat e Njeriut Ligjeve, sot Kryetari i Grupit Parlamentar të Partisë Socialiste, Tualant Balla, e bëri të qartë se Simon Mirakaj nuk do të votohet si anëtar i Autoritetit për të Drejtën e Informimit mbi Dokumentet e Ish Sigurimit të Shtetit meqë njëri ndër firmëtarët e propozimit është dhe Sali Berisha, ndonëse ai në Komision u votua nga deputetët socialistë.
“Më lejoni të sqaroj një element që u krijua një zhurmë apo stuhi në gotë lidhur me një procedurë të ndjekur nga Komisioni i Ligjeve. Sa i përket kandidaturës së zotit Simon Miraka. Ne kemi votuar zotin Miraka disa vite më parë kur ai është zgjedhur disa vite më parë. Ai garon për një mandate të dytë. Ne kemi konstatuar se në deputetët që kanë propozuar kandidaturën e tij është përfshirë katrani me bojë dhe si i tillë e ka bërë pis emrin e tij,” tha Kryetari i Grupit Parlamentar të Partisë Socialiste, Tualant Balla, i bindur se pas këtij kundërshtimi PS u la me krimet që nuk u ndalën nga viti 1945, ndër të cilat edhe ndaj familjes Mirakaj ndërsa përfundoi:
“Për ne është e pamundur që zoti Miraka të marrë mbështetjen tonë në Kuvendin e Shqipërisë. Për sa kohë që në një dokument shfaqet firma e katranit me bojë, kështu që në këtë aspekt… I kërkoj zotit Miraka që nëse vjen në një listë të re pa atë do ta konsiderojmë. Mendoj se është në nderin e zotit Miraka që mos ta bëjë pis emrin e vetë që një propozues është njësoj si sigurimi i shtetit. Edhe firmëtari i zotit Miraka këto të dyja ka si Sigurimi i Shtetit. Ne po ndihmojmë zotin Miraka që të mos bëhet pis.”
Ndryshe, kur në Komisionin për Çështjet Ligjore, Administratën Publike dhe të Drejtat e Njeriut Ligjeve, kaluan tre kandidaturat e Partisë Socialiste, deputetët e Lulzim Bashës heshtën por kur u votua Simon Mirakaj, ata me histeri reaguan duke i akuzuar deputetët socialist si të pafytyrë, meqë njëri nga firmëtarët propozues ishte Sali Berisha, për të cilin ata “kishin bërë një betim që nuk votojnë asnjë person të propozuar nga non grata”.
Sot të pafytyrë mund të mos konsiderohen më Taulant Balla me shokë, për deputetët e Lulzim Bashës, por ata janë të tillë nga viti 1945 dhe nuk ka Drin dhe Vjosë që i lanë pavarësisht vullnetit që kanë Gazment Bardhi me Enkelejd Alibeajn.
