Lajçak drejtë Prishtinës, takim me Osmanin dhe Hotin

Përfaqësuesi i Posaçëm i Bashkimit Europian për Dialogun Beograd-Prishtinë, Mirosllav Lajçak është nisur drejt Prishtinë ku për sot ka paralajmëruar takim me Kryetaren e Parlamentit, Vjosa Osmani dhe Kryeministrin e Hashim Thaçit, Avdullah Hoti.

Vizitën në Kosovë, ku pritet të diskutohen modalitetet për rinisjen e dialogut të ndërmjetësuar nga Bashkimi Evropian, Lajçak do ta nisë me takimin e parë me Kryetaren e Parlamentit, Vjosa Osmanit, në orën 17:45. Pas këtij takimi, për të cilin u tha se do të lëshohet vetëm një komunikatë, Lajçak do të vazhdoj axhendën drejtë godinës së Qeverisë së Kosovës.

Takimin me Kryeministrin Avdullah Hoti, Përfaqësuesi i Posaçëm i Bashkimit Europian për Dialogun Beograd-Prishtinë, Mirosllav Lajçak, ka paralajmëruar se do ta filloj në orën 18:30.

Ndryshe, pas disa ndërlikimeve në Zvicër me fluturimin e tij drejtë Kosovës, ishte ushtria zvicerane ajo që i mundësoi sot Përfaqësuesit të Posaçëm të Bashkimit Europian për Dialogun Beograd-Prishtinë, Mirosllav Lajçak, udhëtimin drejtë Prishtinës.