Lajçak sqarohet, Osmani: Kosova ka bërë shumë koncesione, BE mund ti jap Serbisë…

Njohja e ndërsjellë, akt final. Kështu u shpreh Ushtruesja e detyrës së Presidentit, Vjosa Osmani, duke sqaruar të Dërguarin e Posaçëm të BE në dialogun Kosovë-Serbi, Mirosllav Lajçak, se çështja e kufijve, sovraniteti, rregullimit kushtetues të Kosovës nuk mund të bëhen pjesë e negociatave dhe është Kosova ajo ka bërë shumë koncesione, sa e kanë sjellë buzë jofunksionalitetit.

“Ne asesi nuk mund ta pranojmë që çështja e kufijve, sovraniteti, rregullimit kushtetues të Kosovës të bëhen pjesë e negociatave sepse ato negociata kanë përfunduar në vitin 2008, nën mandatin e Ahtisartit,” tha Vjosa Osmani pas takimit me Lajçak duke shtuar:

“Kosova ka bërë shumë koncesione, sa e kanë sjellë buzë jofunksionalitetit. Nuk është tema se çfarë mund të japë sërish Kosova, por se si BE-ja mund t’ua jap përfitimin Kosovës dhe Serbisë për anëtarësim në BE.”

Ndërsa Përfaqësuesi i Posaçëm i BE për dialogun, Mirosllav Lajçak, tha se pret që marrëveshja gjithëpërfshirëse Kosovë-Serbi të arrihet brenda mandatit qeverisës të Albin Kurtit dhe Vjosa Osmanit.

“Ky proces do të mund të përmbyllet brenda disa muajve, nuk kërkon vite që të arrihet marrëveshja. Por, ne nuk jemi ata që po nxitojmë ose ata që e ngadalësojnë procesin. Janë Kosova dhe Serbia që vendosin se sa shpejtë duan të procedojnë. Nëse duan të takohen na baza mujore, ne jemi aty. Nëse ata duan të takohen në baza javore, ne jemi këtu për të ndërmjetësuar dhe ne nuk na duhen edhe dhjetë vjet të tjera, as pesë vjet të tjera, as tre vjet, nëse ka përkushtim dhe vullnet të palëve,” tha Lajçak duke siguruar se procesi i dialogut është në koordinim të plotë me Shtetet e Bashkuara.

“Jam i lumtur të them se pas ardhjes së administratës së presidentit amerikan, Joe Biden, ky bashkëpunim nuk mund të jetë më i ngushtë sesa është. Ne po punojmë ngushtë në baza ditore, me partnerët tanë amerikanë dhe miqtë dhe ne e ndajmë qëllimin e njëjtë që është e ardhmja evropiane për Kosovën dhe për tërë rajonin e Ballkanit Perëndimor,” tha Lajçak i cili shihet shartë që njehë orekset e liderëve politik shqiptar në Kosovë kur është në pyetje SHBA ndonëse nuk i përfill madje i lufton orekset shqiptare dhe amerikane për shtetin e Kosovës.

Pas Presidentes Vjosa Osmani, I Dërguari i Posaçëm i BE për dialogun Kosovë-Serbi, Mirosllav Lajçak, takoj Kryeministrin e Isës, Avdullah Hotin, vetë Isa Mustafën dhe kryetarin në detyrë të PDK, Enver Hoxhaj.