Lajm me përgjigje, Ambasada SHBA në Beograd: Kur Garda Kombëtare nga Ohio kthehet në Serbi!
Ndër shumë zhvillime që po lënë pa fjalë serbët dhe shqiptarët nga ana e Ambasadës së SHBA në Beograd është dhe publikimi i lajmit të fundit në rrjetin social X, me rastin e ardhjes në Serbi të përfaqësuesve të Gardës Kombëtare të Ohio.
Duke i dhënë përgjigje grafiteve që kohëve të fundit po shfaqen në Beograd, “Kur ushtria serbe të kthehet në Kosovë “, Ambasada amerikane në Beograd poston lajmin për ardhjen në Serbi të Gardës Kombëtare të Ohio e cila me vite të tëra bashkëpunon me Ushtrinë e Serbisë.
“Kur Garda Kombëta të kthehet në Serbi – pritja është e ngrohtë, si gjithmonë!“, thuhet në lajmin e publikuar i cili shoqërohet me fotot e ushtarëve që mbërrijnë me në krye Gjeneral majorin John Harris dhe Ambasadorin e Serbisë në SHBA, Marko Gjuriç.
Ndryshe, grafiti luftënxitës i cili është në harmoni të plotë me politikën kriminale të Presidentit të Serbisë, Aleksandar Vuçiç, dhe vazhdon e shfaqet dita ditës nëpër rrugët e Beogradit, “Kur ushtria të kthehet në Kosovë”, është shkëputur nga kënga serbe “Elbin e korri, vajza kosovare”.
