Lali Eri Kunst!
Pas arrestimit të Kryetarit të Bashkisë Tiranë, Erion Veliaj, ajo që tronditi më shumë opinionin publik shqiptar ishte mbështetja që shprehën edhe artistët e njohur shqiptar për një hajdut ordiner, se sa milionat që kishte vjedhur Lali Eri!
Pika që derdhi gotën ishte artisti i madh ndonëse çdo shqiptarë e sheh mijëra herë në ekranet e tyre duke promovuar një kompani që nuk tregton më banane me kokainë por kokainë me banane, dhe, nuk reagon njeri!
Po, fjala është për Ardit Gjebrenë i cili pasi u akuzua për rekrutimin e prostitutave dhe nuk e besoi njeri, pasi promovoi kompaninë “Bana King” që edhe dega e DEA-s amerikane në Athinë foli për implikimin e saj në trafikun e kokainës që nga viti 2014 por tani Arditi nuk e besoi, tashmë kantautori shqiptar pa një të keqe del e thotë: “Jam Erion!”
Pra, e pranon vetë se është, HAJDUT!
Dhe hap krahun, duke renditur punët e mira të Erionit në Tiranë ndërsa i lejon vetes të kaloj edhe në delir: “Një ditë do të të kërkojnë!”
Edhe sot, kur Erion Veliaj me vendim të Gjykatës së Posaçme është i arrestuar me burg për shkak të 10 veprave penale me të cilat SPAK e ngarkon, askush nuk mund ti ndaloj Arditit dhe të ngjashmëve të jetë i lumtur e krenar që ka një mik si Erioni, edhe pse kanë dalë shumë prova, por, artist si Arditi dhe jo vetëm, nuk është se nuk janë parë më parë, ashtu siç është krijuar opinioni ndër shqiptarë!
Në momente historike të çdo shteti, i madh ose i vogël, ishin elitat që mbrojtën vendin nga krizat e sistemit politik! Kështu ndodhi në Berlin ku askush nuk arriti ta ndaloj koalicionin joformal të konservatorëve dhe politikanëve reaksionar dhe erdhi Hitleri në pushtet; Dhe, po e njëjta gjë, ngjashëm si dy pika uji, u lejua me ardhjen e Edi Ramës në pushtet, pa e pasur shumicën si Hitleri, por ndihmën e një partie për koalicion që do të arrijë shumicën e votave!
Dhe, jo vetëm kaq! Vetëm zgjedhjet e lira dhe të ndershme më 5 Mars 1933 i mundësuan Hitlerit të ulet në fron dhe gjermanët më nuk panë zgjedhje të lira e të ndershme deri në vitin 1990; Ashtu siç ndodhi me Edi Ramën në 2013, pas zgjedhjeve të lira dhe të ndershme, vetëm me ndihmën e LSI të Ilir Metës arriti të ulet në fronin e Kryeministrit, dhe, shqiptarët deri më sot nuk panë më zgjedhje të lira dhe të ndershme!
Në realitetin e sotëm Edi Rama nuk ka mundësi të ndërtoi dhoma gazi, por duke pasur parasysh spastrimin që i bëri administratës publike, policisë dhe ushtrisë, dhe së fundi edhe sistemit të drejtësisë, varfëria ekstreme që mbolli Rama si Kryeministër dhe mbi një milionë shqiptarë që i detyroi të largohen nga Shqipëria, nuk dallon shumë nga metodika e Joseph Goebbelsit, që përkthyer në gjuhën e politikës rilindase i bjen, Endri Fuga!
Kur u larguan me një të rënë të lapsit gjithë policia rrugore në Tiranë, Goebbelsi dhe Hitleri i Tiranës shikuan reagimet! Elita e miratoi me heshtje këtë spastrim makabër ndonëse atë ditë spastrimi më lehtë e kishe të gjeje naftë nëpër rrugët e Tiranës se sa një polic rrugor; Dhe, kjo histori vazhdoi në të gjithë kapilarët e shtetit, për të përfunduar me sistemin e drejtësisë, ku më shumë kishe shans ti shpëtoje një dhome gaze se sa vettingut nga urrejtësit më të mëdhenj të veriorëve që mund të prodhoj ndonjë herë një mitër shqiptare, me arsyetimin fatal: Njerëz të Saliut!
Këtu, për fat të keq përfshihet edhe Arti; Në kohën e Hitlerit i njohur si Deutsche Kunst, në rastin e fundit të Ardit Gjebresë me shokë mund të pagëzohet lirshëm, Lali Eri Kunst!
Lali Eri Kunst!
Arti nazist i quajtur zyrtarisht Deutsche Kunst /Lexo shqip: Arti Gjerman/ ishte art i miratuar zyrtarisht nga Gjermania Naziste nga viti 1933 deri në vitin 1945! Këtu nuk bëhet fjalë për ndonjë stil të veçantë në aspektin artistik, por ideologji në petkun e realizmit romantik.
Nazistët ndaluan të gjitha stilet moderne si art i degjeneruar, duke kërkuar që arti i tyre të bazohet në stile tradicionale klasike, dhe të promovoj ideologjinë e tyre të gjakut, që të jetë dhe e pastër ariane!
Tirana, që u bë qendra e Artit dhe Kulturës së Edi Ramës, ndalimin e realizoi përmes mosfinancimit, dhe për këtë u kujdes Goebbelsi i Ramës me një dallim jo të paqenësishëm, vetëm e pastër ariane nuk duhet të ishte!
Arti Nazist kishte shumë ngjashmëri me Realizmin Socialist i cili ishte bërë në Bashkimin Sovjetik edhe zyrtarisht Art i Bashkimit Sovjetik që disa historian arti i quajnë që të dyja, Realizëm Heroik, dhe në thelb kishte ndalimin e të padëshiruarve, ndërsa ky i Edi Ramës në thelb kishte mosfinancimin e të padëshiruarve nga shteti dhe bizneset për të ngelur sade, Lali Eri Kunst!
Aty shohim përdorimin e idealizmit të kombit shqiptar, si dhe financimin nën kontroll të muzikës, filmave dhe dramës shqiptare jo vetëm nga shteti.
Nga këtu lind dhe mbështetja e artistëve për të shembur Teatrin Kombëtar, një çmenduri që nuk e arriti as Hitleri me ndalesa, represion dhe vrasje!
Me ligjin e votuar 22 shtatorin e vitit 1993, Hitleri themeloi Dhomën Perandorake të Kulturës e njohur si “Reichskulturkammer”, nën kujdesin e Ministrisë së Propagandës së Goebbelsit, me shtatë nëndhoma, për radio, teatër, muzikë, film, letërsi, art figurativ dhe gazetari, duke u sqaruar edhe nga vetë Goebbelsi se anëtarë të kësaj Dhome mund të bëhen vetëm ata që i plotësojnë kriteret dhe të gjithë të tjerët të dëmshëm dhe të papranueshëm nuk do të lejohen të merren me kulturë. Në vitin 1935 Dhoma Perandorake e Kulturës kishte 100 mijë anëtarë!
Ashtu siç ndodhi me shembjen e Teatrit Kombëtar nga Erion Veliaj! Nga viti 1999 kur Edi Rama ishte Ministër i Kulturës dhe dështoi të shembte Teatrin sepse shumica e artistëve ishin kundër, deri në ditën kur fadromat e Fushës me Kryetar të Bashkisë Tiranë, Erion Veliaj, realizuan aktin kriminal, shumica e artistëve ndërruan mendje ose më mirë të thuhet iu ble mendja, dhe në mungesë të elitës shqiptare, Kryeministri Edi Rama arriti të realizoj synimin e tij me polici e shërbim sekret!
Nga muzetë gjermane, nga viti 1937 janë konfiskuar rreth 5.000 vepra të artit modern prej të cilave 1.052 piktura të Emil Noldes, 759 të Erich Heckel, 639 të Ernst Kirchner, 508 të Beckmannit, si dhe të gjitha veprat tjera të artistëve të huaj si Arhipekn, Chagall, Ensor, Matiss, Picasso dhe Van Gogh. Prej nga janë përzgjedhur 650 piktura, skulptura dhe libra nga 32 muze dhe është orgainuzar ekspozita e Artit të Degjeneruar ose Entartete Kuns, e cila u hap më 19 korrik 1937. Një piktor i dështuar si Hitleri tha se kjo ekspozitë duhet treguar opinionit gjerman “se si shpirti pervers hebre është futur në jetën kulturore gjermane, dhe kjo mund të shihet në ekspozitë në një mori formash të frikshme dhe të tmerrshme”.
Këtë e panë shqiptarët sapo erdhi në pushtet Edi Rama, jo me piktura të huaja por në atë që Kryeministri Rama din të bëjë më së miri, dhe që e licencoi Ish-Kryetari i Partisë Socialiste dhe Kryeministri Shqipërisë, Fatos Nano: “E mora nga Parisi me thonj të paprerë…shitësin e ikonave të vjedhura dhe e solla e bëra njeri në Tiranë!”
Pra, sapo kishte marrë pushtetin, ishte tetori i vitit 2013 kur ia behu në portën e koleksionistit të njohur, Gjergji Thimo.
“Në 8 tetor 2013, Edvin Kristaq Rama me Ish-Ministrin e Brendshëm, trafikantin e drogës Saimir Tahirin, pa mandat kontrolli ndërmarrin operacionin fashist, banditesk “Ikona” dhe me një dorë kanë vjedhur mbi 1.600 vepra arti të kulturës shqiptare. Me këtë po merret gjykata e Strasburgut, SPAK dhe BKH. Nuk është puna se kushtonin 63 milionë euro, por ishte shpirti i një korçari për të mbrojtur artin dhe kulturën. E paparë në botë që kryeministri i një vendi të drejtojë një operacion policor,” sqaroi vetë Thimo kur nuk i kishte mbetur asgjë tjetër përveç se betejës ligjore deri në Strasburg, siç e patën fatin veprat e piktorëve të njohur në duart e Hitlerit.
Me ardhjen e nazizstëve në pushtet ata urdhëruan muzikologët, shkrimin e një historie të re të muzikës gjermane, e cila duhej të shkruhej në frymën e një ideologjie të re.
Ky model që Edi Rama e ka ndjek me fanatizëm ka bërë që si Koncerti i Radio Televizionit Shqiptar ashtu dhe Kënga Magjike e Arditit, për nga spektakli kanë hecur shumë pikërisht ashtu siç do Kryeministri Rama, ndërsa cilësia më mediokre e muzikës shqiptare mund të përmbledhet në këto dy evente vjetore për të cilat Lali Eri Kunst ka kontribut të jashtëzakonshëm!
E për të shpjeguar këtë fenomen është dizajni, që me aq shumë merak e kishte si Hitleri ashtu dhe Edi Rama. Nazistët edhe pse vëmendje të veçantë i kanë kushtuar dizajnit, është paradoksale se ndonëse e urrenin Bauhausin për shkak të hebrenjve që i kishte si pikë reference, Gropius, Mies va nder Rohe dhe komunistit Meyer, përvetësuan praktikisht postulatet e tyre për format e tyre si bartësit më të mirë të mesazheve simbolike!
Edhe Edi Rama i cili u mundua ta transformoj gjithë pamjen e Tiranës dhe 100 qyteteve që u ndërtuan nga Mbreti Zog, vëmendje të madhe i kushtoi pamjes që të duket dora e Kryeministrit Rama si dhe mesazheve simbolike si në Sheshin Skënderbej në Tiranë ku secilit vizitor Lali Eri i ka folur për gurët që vinë nga të gjitha viset shqiptare!
Këtêt lloj dizajni e shiti edhe në pamjen e Tiranës që e shikon vizitori, pra, nga rruga deri sa prapa pallatave, nuk ka birë nëne e as birë kurve që mund të futet nga pisllëku, sikur ta ketë emrin edhe Edi Rama!
Sot, kur Lali Eri Kunst dhe drejtuesi i këtij arti është në burg, arditë që mbështesin këtë hajdut ordinerë do të ketë padyshim, por me këtë vetëdije kombëtare Shqipëria po shkon drejt fatit të Gjermanisë së Hitlerit!
Si përfundoi kjo lloj Gjermanie, të gjithë e kemi të qartë, dhe ashtu si në rastin e Hitlerit elitat shqiptare vazhdojnë e heshtin për terrorin e Edi Ramës!
Por, a duhet pritur ndërhyrja nga jashtë dhe rënia e regjimit të Edi Ramës përderisa elitat refuzojnë ta mbrojnë vendin nga kjo krizë e sistemit politik që shqiptarët tashmë të varfëruar i janë nënshtruar ndërkohë fqinjët e Shqipërisë janë duke përfituar?!
Me votë, pavarësisht idealizmave që nuk mungojnë, rasti i Erion Veliajt na dëshmoi se situata është shumë më alarmante se sa nevoja për zgjedhje të lira dhe të ndershme…
