Lamtumira shqiptare për senatorin John McCain
Liderët politik dhe institucional shqiptarë i kanë dhënë lamutimirën e fundit senatorit Johnc McCain për gjithçka që ka bërë për shqiptarët dhe zhillimin e demokracisë në tokën shqiptare.
Sot shqiptarët humbën një mik të veçantë e të pazëvendësueshëm, thekson Presidenti Ilir Meta përmes rrjetit social Facebook për senatorin McCain si një nga mbështetësit e vendosur të çështjes së Kosovës dhe kauzës për lirinë dhe pavarësinë e saj, si dhe mbështetësi kryesor i antarësimit të Shqipërisë në NATO për të cilën të gjithë shqiptarët i janë mirënjohës.
Ja postimi i plotë
Ndarja nga jeta e Senatorit John McCain është një lajm i hidhur për mua dhe për të gjithë shqiptarët.
Sot u largua nga jeta një hero lufte dhe një patriot i madh, njeriu që i shërbeu kombit të tij me vetëmohim, heroizëm e ndershmëri të pashoqe.
Ai i shërbeu lirisë dhe të drejtave të njeriut në botë e veçanërisht në Ballkan.
Senatori McCain ishte një nga mbështetësit e vendosur të çështjes së Kosovës dhe kauzës për lirinë dhe pavarësinë e saj.
Ai u bë një ndër mbështetësit kryesorë të antarësimit të Shqipërisë dhe të rajonit tonë në NATO për të cilën të gjithë shqiptarët i janë mirënjohës.
Angazhimi i përkushtuar i njerëzve të tillë si McCain për cështjen e të drejtave dhe të lirive të popujve të shtypur në botë e kanë bërë SHBA-në një vend lider të demokracisë dhe rriti simpatinë e saj në gjithë botën.
Sot shqiptarët humbën një mik të veçantë e të pazëvendësueshëm.
U prehtë në paqe shpirti i tij!.
Kryeministri Edi Rama përmes një postimi në rrjetin social Facebbok ishte dhe një mik i mirë i Shqipërisë me të cilin kemi bashkëpunuar e ndarë mendime të njëjta. Thank you for all and rest in peace Senator!
Ja postimi i plotë:
Senatori John McCain e jetoi jetën si një betejë të pandërprerë për vlerat e mishëruara në qenien e Shteteve të Bashkuara të Amerikës. Ai ishte dhe një mik i mirë i Shqipërisë me të cilin kemi bashkëpunuar e ndarë mendime të njëjta. Thank you for all and rest in peace Senator
Me ndarjen nga kjo jetë të Senatorit John McCain, kombi shqiptar humbi një mik të madh, thekson kryetari i Partisë Demokratike, Lulzim Basha përmes rrjetit social Facebook për luftëtarin e pamposhtur për kauzën e lirisë.
“Senatori McCain ishte një zë i fuqishëm në krah të betejave të shqiptarëve për liri, demokraci dhe integrim euro-atlantik. Mirënjohje e përjetshme për këtë hero dhe ngushëllimet më të ndjera familjes së tij dhe popullit mik amerikan,” thekson kryetari i PD, Lulzim Basha duke përfunduar:
U prehtë në paqen e Zotit!
Ja postimi i plotë:
Me ndarjen nga kjo jetë të Senatorit John McCain, kombi shqiptar humbi një mik të madh. Luftëtar i pamposhtur për kauzën e lirisë, Senatori McCain ishte një zë i fuqishëm në krah të betejave të shqiptarëve për liri, demokraci dhe integrim euro-atlantik. Mirënjohje e përjetshme për këtë hero dhe ngushëllimet më të ndjera familjes së tij dhe popullit mik amerikan. U prehtë në paqen e Zotit!
Kryeministri i Kosovës, Ramush Haradinaj i pikëlluar për vdekjen e senatorit McCain kujtoi takimin e parë me heroin e SHBA-së, senatorin John McCain, në vitin 1999.
“Me brengat për humbjet që sjell lufta, pata mbetur i shtangur kur heroi amerikan më pyeti posa më pa: “What can I do for you young man?””
Familja humbi të dashurin e vet, Amerika Heroin, kurse Kosova mikun e çmuar, pa të cilin rrugëtimi ynë drejt lirisë dhe shtetkrijimit do të ishte më i vështirë, thekson Haradinaj duke përfunduar:
“Hyri në zemrat tona si humanist dhe do ta ketë vendin e nderit në kujtesën shtetërore të Kosovës.
Lamtumirë mik i Kosovës, John McCain. Pusho i qetë!
Ja postimi i plotë
I pikëlluar nga lajmi për vdekjen e Senatorit republikan të ShBA-së John McCain, familjes së tij, Senatit dhe qytetarëve amerikanë, u shpreh ngushëllimet më të sinqerta të popullit dhe të Qeverisë së Kosovës.
Familja humbi të dashurin e vet, Amerika Heroin, kurse Kosova mikun e çmuar, pa të cilin rrugëtimi ynë drejt lirisë dhe shtetkrijimit do të ishte më i vështirë.
Fitues në luftë dhe në paqe, luftëtar i madh për të drejtat e njeriut dhe ligjvënës i pashoq.
Hyri në zemrat tona si humanist dhe do ta ketë vendin e nderit në kujtesën shtetërore të Kosovës.
Lamtumirë mik i Kosovës, John McCain. Pusho i qetë!
