Largimi i Dr.Ilir Allkja, protestojnë mjekët e QSUT

Pas largimit të mjekut të Urgjencës Kombëtare, Ilir Allkja, nga Drejtori i QSUT, Enkelejd Joti, sot Sindakata e Punonjësve të Shëndetësisë ka protestuar para Urgjencës duke shprehur indinjatën e tyre për vendimin e Drejtorit të Qendës Spitalore Universitare të Tiranës.

“Në një situatë kur gjithë bota është në krizë për staf mjekësor, Shqipëria, ky vend i vogël me mungesë të personelit shëndetësor ka luksin të pushoj mjek nga puna për arsye politike.

Kush e ndjen që mund t’i bashkohet një proteste në orën 10.00 në Sheshin përpara spitalit 1 Nënë Tereza në kundërshtim të vendimeve të tilla dhe në mbështetje të personelit shëndetësor që po punon në kushte sfilitëse vetëmohuese, është i mirëpritur,” ishte thirrja e Sindikatës së Punonjësve të Shëndetësisë së cilës iu përgjigjën një pjesë e konsiderueshme e kolegëve të mjekut Ilir Allkja.

Ndryshe, pas denoncimet për kushtet dhe problematikat në sistemin shëndetësor si dhe menaxhimin e pandemisë së COVID-19, mjeku Ilir Allkja i kërkoi Drejtorit të QSUT, Enkelejd Allkja që të jap dorëheqje pasi nuk ka moral të drejtoj klasën më të edukuar të vendit.