Largohet Shefi i BMW-së

Prodhuesi gjerman i makinave BMW sot papritmas ka paralajmëruar largimin nga posti i Drejtorit Ekzekutiv, Harald Krüger pasi ti ketë përfunduar kontrata në prillin e vitit të ardhshëm.

“Pas më shumë se 10 viteve në Bordin Ekzekutiv, katër prej të cilave në postin e Drejtorit Ekzekutiv të grupit BMW, dua ti përkushtohem më shumë detyrave të reja profesionale,” tha përmes komunikatës, 53-vjeçari Krüger.

Harals Krüger me profesion është inxhinier mekanik, dhe në Bordin Ekzekutiv të BMW është që nga viti 2003 si Shef kuadri. Më pas ka kryer detyrën e Drejtorit të Brendeve Mini dhe Rolls-Royce.

Detyrën e Drejtorit Ekzekutiv e ka marrë në maj të vitit 2015, dhe disa muaj më pas ka pasur probleme me shëndetin, gjatë prezantimit në Panairin e makinave në Frankfurt.

Sot tha se zhvillimet aktuale në sektorin e makinave kërkojnë angazhim të madh nga çdo i punësuar. Kohët e fundit ishte në shënjestër të kritikave për shkak të strategjisë së kalimit në makinat elektrike. Këshilli Mbikqyrës, për pasardhësin e Krügerit do të disktuoj më 18 korrik. Emrat më të lakuar janë, anëtari i Bordit Ekzekutiv i ngarkur për Zhvillimin, Klaus Fröhlich, dhe Drejtori i Prodhimit, Oliver Zipse.