Largohet tabela e re në Bllacë, rikthehet ajo në gjuhën shqipe

Tabela që u vendos mbrëmjen e së premtes në kufirin me Kosovën, në Bllacë, ku nuk figuronte gjuha shqipe, sot nuk është më aty. Gjatë natës kjo tabelë është larguar.

Tani në hyrje të kufirit qëndron tabela e vjetër Republika e Maqedonisë së Veriut, e shkruar në gjuhën maqedonase, shqipe dhe në ate angleze.

Gjatë ditës pritet të jepen informata  se kush e ka vendosur tabelën e re dhe  se kush e ka larguar tabelën ekzistuese gjatë natës.

Ndryshe, tensione të tilla të panevojshme edhe me tabela ku është e shkruar edhe në gjuhën shqipe, tregon se sa e brishtë është qetësia në Maqedoni të Veriut, dhe se forcat antiperëndimore janë gjithmonë aty për të krijuar tensione!