Lavrov: BE dhe NATO kundër iniciativës së Beogradit, Ballkani i Hapur!

Përkundër Presidentit të ri, Bajram Begaj, të cilin e gjeti Kryeministri Edi Rama për të mbështetur Ballkanin e Hapur, duke e promovuar si projekt integrues që mbështetet nga BE dhe SHBA dhe urimin që nuk mungoi nga Presidenti i Serbisë, Aleksandar Vuçiç, duke u komentuar nga ca shërbëtorë të Ramës si diversion i vogël, sot Ministri i Jashtëm i Rusisë, Sergej Lavrov, e bëri të qartë se BE dhe NATO janë kundër “Ballkanit të Hapur” e cila iniciativë është e Beogradit, dhe e duan projektin e tyre “Ballkani i Mbyllur”!

Dhe jo vetëm kaq! Duke folur për “Ballkanin e Hapur” si një zhvillim i shpejtë i partneritetit strategjik Rusi-Serbi, Lavrov tha se Brukseli nuk dëshironte që ai të bisedoj sot me zyrtarët e lartë serb:

“Brukseli nuk dëshironte që unë të bisedoj me zyrtarët serb lidhur me partneritetin strategjik Rusi-Serbi që po zhvillohet shumë shpejtë, si dhe punëve ndërkombëtare, është e qartë se krerët e Brukselit nuk kanë dashur të konfirmojmë qëndrimin rus lidhur me Kosovën, Bosnje Hercegovinën, dhe të shprehim mbështetje për iniciativën e Beogradit “Ballkani i Hapur”, dhe të bisedojmë për interesa mbi kurimin e marrëdhënieve në mes të shteteve të rajonit,” tha sot nga Moska, shefi i diplomacisë ruse, Sergej Lavrov, pasi nuk u lejua të udhëtoj drejt Beogradit me avionin e tij përmes hapsirave ajrore të Bullgarisë, Maqedonisë së Veriut dhe Malit Zi ndërsa përfundoi:

“NATO d he BE duan ta shndërrojnë Ballkanin në projektin e tyre të quajtur ‘Ballkani i Mbyllur’!”