Lavrov çmendet në Paris, krahason Kosovën me Krimenë!

Ministri i Jashtëm rus, Sergei Lavrov teksa ka kritikuar perëndimin në një takim pyetje-përgjigje, të organizuar në kuadër të Forumit të Paqes në Paris i ka lejuar vetes ta krahasoj Krimenë edhe me Kosovën.

Lavrov akuzoi shtetet perëndimore për standarde të dyfishta, meqë sipas tij, raporton RFE, kur diçka është në interes të perëndimit, ata e konsiderojnë të drejtën e njerëzve për vetëvendosje si të shenjtë, mirëpo kur diçka nuk lidhet me interesat e tyre, atëherë ata e shpallin këtë të drejtë si të paligjshme.

Ilustrim i këtyre deklaratave, e paimgjinueshme kur bëhet fjalë për një diplomat të këtijkalibri por nuk është kot rus, ishte Kosova dhe Krimea.

“Krahasoni Kosovën dhe Krimenë: një referendum është mbajtur në Krime dhe nuk ka pasur referendum në Kosovë. Megjithatë Kosova është njohur menjëherë si shtet i pavarur nga shumica e vendeve perëndimore,” tha ai duke bërë sikur harron se Kosova ishte e pushtuar dhe u çlirua, dhe krahasim mund të bëhet ditën që Krimea ti kthehet Ukrainës.