LDK vazhdon ta kërkoj postin e Presidentit
Lidhja Demokratike e Kosovës, LDK, vazhdon ta kërkoj postin e Presidentit të Republikës si pjesë të Marrëveshjes qeverisëse me Lëvizjen Vetëvendosje.
Nënkryetari i LDK-së, Avdullah Hoti tha se në rast të arritjes së kësaj Marrëveshje, ky është balancim i pushteteve.
Avdullah Hoti nuk konfirmoi nëse sot mund të ndodhë ndonjë takim mes kryetarëve të dy partive, Albin Kurtit dhe Isa Mustafa.
Nënkryetari i LDK-së dhe pjesëmarrësi në negociatat me Lëvizjen Vetëvendosje, Avdullah Hoti, këto deklarata i dha pas përfundimit të konferencës së Demokracisë në Veprim ku u shpalosën të gjeturat e zgjedhjeve të 6 tetorit.
