Legjislatura e X, deputetja Luljeta Bozo hap seancën e parë plenare
Populli na zgjodhi me votën e tij, të punojmë pa parë ngjyra partiake. Të kryejmë me sukses punën e nderuar të deputetit. Paçim punë të mbarë të gjithë, tha deputetja më e vjetër në moshë, Luljeta Bozo, duke hap sot punimet e Legjislaturës së X të Parlamentit të Shqipërisë e bindur se të gjithë së bashku do ia dalin.
“Pas një karrierë të gjatë profesionale, kam nderin të hap legjislaturën e 10 parlamentare. Ndihem e emocionuar pasi kurrë më parë kjo sallë e nderuar s’ka pasur kaq shumë vajza e gra në radhët e saj. Jam jo vetëm krenare për këto arritje, por kam bindjen e thellë se kjo legjilsaturë do të mbahet mend gjatë për thyerjen e barrierave e stereotipieve gjinore, forcimin e rolit të gruas,” tha Bozo duke shtuar se kanë marrë përgjegjësi të madhe, për misionin historik, për ta çuar Shqipërinë drejt Euriopës, për të krijuar një Shqipëri që brezat që vijnë ta adhurojnë.
“Mbështetës potenciale në këto reforma mbeten SHBA, aleati ynë më i fuqishëm, BE etj. Na besuan për të ccuar drejtësinë përpara, administratën, për aq sa mundemi ccështjen e poronave, arsimin, shëndetësinë, ekonominë në të gjitha degët e saj, bujqësië, energjetike, arti dhe kultura, pa hequr vëmendjen. Sot Shqipëria nuk është më shprehje gjeografike. Shtëpia jonë e përbashkët është strehë e mirë për këdo,” tha deputetja më e vjetër në moshë, Luljeta Bozo, dhe drejtuesja e seancës së parë të Legjislaturës së X duke përfunduar:
“Ne vijojmë të ndodhemi para dy sfidave që kanë të bëjnë me rimëkëmbjen, tërmetin e pandeminë. Ne të gjithë së bashku do ia dalim. Zonja e zotërinj. Populli na zgjodhi me votën e tij, të punojmë pa parë ngjyra partiake. Të kryejmë me sukses punën e nderuar të deputetit. Paçim punë të mbarë të gjithë, të majtë e të djathtë. Ne punopjmë për të mirën e vendin tonë. Në këtë proces do të kemi mbështetjen e shqiptarëve. Punë të mbarë të gjithëve.”
Pas krijimit të sekretariatit të përkohshëm me 3 deputetët më të rinj, Andia Ulliri (PD), Edona Bilali (PS), dhe Besian Ajazi (PS), drejtuesja Bozo informoi Parlamentin me emrat e personave të zgjedhur dhe kërkoi verifikimin e mandateve të tyre. Komisioni i përkohshëm për Verifikimin e Mandateve që përbëhet nga 9 deputetë do të shqyrtojë dokumentacionin përkatës të zgjedhjeve dhe do ta paraqes raportin për vlefshmërinë e mandateve të deputetëve të Kuvendit.
Seanca vijon pasdite në orën 17:00 pas verifikimit të mandateve, me betimin e deputetëve të rinj.
Legjislatura e X-të e dalë nga zgjedhjet e 25 prillit ka Partinë Socialiste me 74 mandate, koalicioni PD-AN 59 mandate, LSI 4 mandate dhe PSD me 3 mandate.
